Aquilué ye un lugar aragonés perteneixient a o municipio de Candarenas, situato en a comarca de l'Alto Galligo (Uesca).
Toponimia D'alcuerdo con bellas interpretacions, sin conoixencia d'a distribución y naturaleza de l'idioma ibero, u talment aceptando por ciertas as tesis basco-iberistas, o nombre ye iberico y significa "puesto con alicas". Gerhard Rohlfs en 1952 contimparando con toponimos pareixitos deduce que ye un caso de terminación -ué indicadora de pertenencia dezaga d'un antroponimo romano Aquilus documentato en Espanya. Equivale semanticament a l'antigo Aquiliaco, que huei ye Eguilly en Côte d'Or.
Ha tenito bellas variants documentals en a Edat Meya como Aquilur, Aquilui (1059) y Aquiluei (1079), estando a primera aparición en un documento en 1014 en Sant Chuan d'a Penya.
Molimentos A Ilesia de l'Ascensión d'o Sinyor d'Aquilué, a suya ilesia parroquial, Parroquias del Arciprestazgo de Sabiñánigo en o sitio web d'a Diocesi de Chaca. adedicada a l'Ascensión d'o Sinyor, una ilesia d'o sieglo XII que fue esviellada en os sieglos XVII y XVIII.
Tamién destaca, amán d'o camín que leva ta Candarenas, l'ermita de Nuestra Sinyora d'os Ríos a on chents de tota la redolada bi fan una romería en chunio.
Referencias
Categoría:Lugars de Candarenas Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo