Serué ye un lugar aragonés d'o municipio de Candarenas, en a comarca de l'Alto Galligo y provincia de Uesca, a mán d'o río Matriz y d'a muga de Xabierre.
A suya población ye de 19 habitants.
Se trestalla en dos bicos con belas edificacions con elementos d'o sieglo XVIII. Destacan Casa Usieto, Casa Antón, Casa Cristóbal y o Palacio d'os Marqueses de Montemuzo, situato iste zaguero en a dentrata d'a localidat.
Cheografía Serué ye situato a 850 metros d'altaria sobre o livel d'a mar.
Toponimia Ye un toponimo con terminación -ué que puet indicar pertenencia. Seguntes Gerhard Rohlfs puet venir d'o cognomen Serus documentato en Galia, y que esplica tamién os toponimos Serac (Arièja) y Sery (Yonne, Ardenas).
Historia Seguntes Agustín Ubieto Arteta, a primera cita d'o lugar ye en 1041, recullita en a edición por Antonio Ubieto Arteta d'o Cartulario de Sant Juan de la Peña, I (en Textos Medievales, 9, Valencia, 1963), y documenta nomás a forma Serué. Ubieto Arteta, Agustín: Toponimia aragonesa medieval, Valencia, 1972.
Molimentos A suya ilesia parroquial, que fue construita en o sieglo XVI y mas tardi modificata. A fuent d'o lugar, que fue construita en 1762.
Referencias
Categoría:Lugars de Candarenas Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo