Iste articlo tracta sobre A Nau, que ye un lugar d'o municipio de Samianigo. Ta atros usos d'o termin «Nau» se veiga Nau (desambigación).
A Nau (en castellano Lanave) ye un chicot lugar aragonés d'a provincia de Uesca situato en o municipio de Samianigo, en a comarcacomarca de l'Alto Galligo. Huei son 2 os suyos habitants, pero a la fin d'o sieglo XV yeran 3 os fuegos.
Se troba en a marguin dreita d'a Guarga y ye formato por dos casas y atros edificios perteneixients a istas como un pallar de l'anyo 1843. A ilesia parroquial estió destruyita mientres a Guerra Civil. Daniel Lerín Cristóbal, Teresa Tiñena Abril:Toponimia de la Baja Guarguera, Comarca Alto Gállego, 2006, , p.85
A Nau ye conoixida per lo suyo forno de pan, dende finals d'os anyos 1980 ye aturada habitual pa qui circulan per la N-330. Panadería Lanave, tres décadas haciendo las delicias de quienes pasan por la N-330. Lo forno ye situau chunto a la carretera y teneba un acceso complicau ya que i heba una linia contina que impediba acceder a lo lugar de qui baixaban de Monrepós. Esto ocasionaba que i hese a ormino multitut d'autos aparcaus de forma periglosa en a marguinera d'a carretera y que de contino i hese personas cruciando de forma temeraria la carretera. En l'anyo 2001, lo deputau José Antonio Labordeta de Chunta Aragonesista, replegando las queixas d'os vecins, solicitó en o Congreso d'os Deputaus un millor acceso dende Samianigo, Labordeta solicita al ministro Alvarez Cascos información sobre la carretera de Lanave. pero se topó con a negativa d'o gubierno El Gobierno informa sobre la imposibilidad de variar las señales del acceso a Lanave. Dito acceso no s'amilloró dica cuasi vinte anyos dimpués con a plegada d'a autovía Mudéchar a las inmediaciones d'a localidat. Se creó una rotonda pa poder fer un cambio de sentiu pa poder dentrar en a nave privando situacions periglosas.
Toponimia S'escribiba Anau entre 1295 y 1397, y La Nave dende 1495, pero la chent d'a redolada encara diz A Nau. Agustín Ubieto Arteta diz que podió estar l'antiga mansión romana d'Anabere.
Demografía
Molimentos A Ilesia d'o Salvador d'a Nau, una ilesia adedicada a lo Salvador que hue se troba en runas y que tanimientres en ye la suya ilesioa parroquial. Parroquias del Arciprestazgo de Sabiñánigo en o sitio web d'a Diocesi de Chaca.
Referencias
Vinclos externos
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo