Satué ye un lugar aragonés d'a provincia de Uesca situato en o municipio de Samianigo, en a comarca de l'Alto Galligo. Pende de l'arcipestrau de Samianigo, que fa parte d'a diocesi de Chaca.
Cheografía Se troba en a ribera ezquierda d'o barranco d'a Garganta, afluent d'o río Galligo. Ye situata a 910 metros d'altaria sobre o livel d'a mar.
Demografía A la fin d'o sieglo XV yeran seis os fuegos de Satué y a meyatos d'o sieglo XIX teneba 7 fuegos y 43 habitants.
Puestos d'intrés 120px|left|thumb|Ilesia de Sant Andreu. Destaca a ilesia de Sant Andreu, d'o tercer mozarabe. O teito ye de fusta y tien 3 finestras con arcos de meyo punto en un d'os costatos. Tien siet arcos murals en o suyo abside baixo lo friso de vaquetons. Fue destruita durant a Guerra Civil y dimpués reconstruita. Por atra parti bi ha interesants muestras d'arquitectura popular con as tipicas chamineras troncoconicas, portaladas con arcos de meyo punto, finestras y balcons.
Toponimia S'escribiba Sotué en o sieglo XI. Ye un derivato de l'antroponimo galo Sottus documentato en Aquitania, con a terminación -ué indicadora de pertenencia.
Vinclos externos
*