L'Hostal d'Ipiés (en castellano Hostal de Ipiés) ye un lugar d'a provincia de Uesca situato en o municipio de Samianigo, en a comarca de l'Alto Galligo.
Se troba a bels dos kilometros d'o lugar d'Ipiés, en a carretera nacional.
Clima A suya temperatura anyal ye 10.52 °C, con una temperatura meya en chinero de 1.61 °C y en chulio de 21.02 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
Historia O lugar naixió a meyatos d'o sieglo XIX cuan Casa El Hostal, tamién dita Casa Carretero u Mesón de Cabanyeras, s'establió en iste puesto. Iste encara ye l'edificio mas destacato d'o lugar, anque casa Pepín tamién ye interesant.
Molimentos A Ilesia de Nuestra Sinyora d'o Pilar de l'Hostal d'Ipiés, una ilesia moderna d'o sieglo XX adedicada a Nuestra Sinyora d'o Pilar, que ye la ilesia parroquial d'o lugar. Parroquias del Arciprestazgo de Sabiñánigo en o sitio web d'a Diocesi de Chaca.
Referencias
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo