Valacroch (Valacloche en castellano) ye una villa y municipio de la provincia de Teruel, situau en la comarca de la Comunidat de Teruel. La suya población yera de 23 habitants (2014), en una superficie de 15,0 km².
Toponimia Lo toponimo Valacroch presenta diferents interpetacions.
Seguntes Agustín Ventura Conejero ye d'orichen romano, VALLIS AD CLAUDIAE u VALLIS AD CLAUDII ("val chunto a la casa de Claudio u Claudia"), con evolución de lo grupo latino -DY- enta -ch- d'acuerdo con la fonetica mozarabe Agustín Ventura Conejero: Toponimia de la provincia de Teruel. Revista Teruel, 48, 1972. p 227, p 239, p 243..
Un atra interpretación sería "val de la cruz" tamién d'acuerdo con la fonetica mozarabe si croche deriva de lo latín CRUCE.
Tamién bel autor ha considerau que se relaciona con clocha, parola que encara se fa servir en la zona.
Rosa María Fort Cañellas troba la forma de Ualacroch/de Ballacroch como apelliu y creye que provién de lo francés crocq y d'una forma preceltica car-occu.
Antonio Ubieto Arteta, que ignora las variants foneticas con trazas aragonesas diz que ye Valacroche entre 1495 y 1646, y Valacloche dende 1713 Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. pp 1316-1317.. En lo Fogache de 1495 s'escribe Vallacrog. Agustín Ubieto Arteta diz que bella mención de Alcroches se refiere a esta localidat.
Puet tener relación con l'apelliu común en la Comunidat Valenciana Banacloche, Banacloch u Banacloig y con lo nombre de la pedanía de Chuliella Bodega Banacloch.
Bi ha microtoponimos con components antigos como Los arreñales, las Quichuelas, Vallonso/Valoso, Barranco del Salobral, Los Rochones, La Casulla, El Costanar, Lastras, El Morrón, Nogueras, Las Hoyetas, Portal Barderas, Sabucar, Sargal, Chapiza Hoyas y Umbría Cañeta.
Cheografía Ye situato en lo semontano de la Sierra de Camarena, a la dreita de lo río Camarena.
Mugas Lo suyo termin municipal muga con Camarena de la Sierra, Cascant y Cubla.
Historia Lo 25 de chinero de 1361 lo rei Pero IV d'Aragón confirmó la suya dependencia respecto a Chuan Ferrández d'Heredia. En 1610 yera de lo conte de Fuents.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Aragonés 1 Total 1 Alcaldes Lista d'alcaldes Lechislatura Nombre Partiu politico1979–1983Bruno Giménez PérezUCD1983–1987 1987–1991 1991–19951995–19991999–2003 2003–2007 2007–2011María Carmen Rabanete MorenoPAR2011–2015María Carmen Rabanete MorenoPAR2015–20192019–20232023–2027 Maria Carmen Rabanete Moreno Consulta el listado de alcaldes que han sido proclamados en Aragón en Heraldo de Aragón. ARAGONESES-PLATAFORMA ARAGONESISTA
Puestos d'intrés Restas d'o castiello. Ilesia de Nuestra Sinyora de Lloreto.
Fiestas Santa Quiteria, 22 de mayo. Virchen de Lloreto, 10 d'aviento.
Referencias
Bibliografía Agustín Ventura Conejero: Toponimia de la provincia de Teruel. Revista Teruel, 48, 1972.
*