Fuents Claras (Fuentes Claras en castellano) ye un municipio de la provincia de Teruel (Aragón), situau en la comarca de lo Xiloca. La suya población ye de habitants en una superficie de 36,64 km² y una densidat de hab/km².
Lo municipio ye conoixiu en haber-se rechistrau allí la temperatura mas baixa en zonas habitadas d'Espanya: –30 °C en a estación d'observación meteorolochica de Calamocha-VOR lo 17 d'aviento de 1963, récord oficial de frío reconoixiu per l'Achencia Estatal de Meteorolochía (AEMET).
Toponimia Lo toponimo que denomina a la localidat se debe a lo gran numero de fuents claras y naixederos que surten en o termin y que sirven de refuerce a lo cabal de lo río Xiloca, regando una ampla y fertil vega. En o escudo de la población s'utiliza la versión en latín, Fontes Clarae, sin que d'ixo se deduzca forzosament que l'actual población tienga orichen romano. Alcañiz Gutiérrez, Ángel: Fuentes Claras. Xiloca, 18. 1996. Pach. 250.
En lo texto de l'adchudicación de decimas 1205 por part de Remón de Castrocol ya leyemos Fuentesclaras. L'actual chentilicio Fuentesclareros en plural ye rearagonesizable como Fuentsclarers.
Cheografía fisica Ubicación miniaturadeimagen|Sabina milenaria, un de los árbols mas singulars de Fuents Claras.
Lo municipio tiene una superficie de 36,64 km² con una población de 445 habitants (INE 2020) y una densidat de 18,37 hab/km². Se troba a una distancia de 7 km de la capital comarcal, Calamocha; a alto u baixo 65 km de la capital de provincia, Teruel, y a alto u baixo 110 km de Zaragoza. Estadística local Instituto Aragonés de Estadística. Gubierno d'Aragón.
Orografía Fuentes Claras s'asienta sobre una terraza cuaternaria, chunto a lo leito fluvial de lo río Xiloca, de sedimentos travertinicos; ye decir, acumulacions de carbonato calcico precipitadas quimicament arredol de restas vechetals. Enta las marguins de lo río las acumulacions cuaternarias de abanicos aluvials y glacis forman superficies planas de gran amplaria, recorridas per chicotas ramblas, de las cuals la mas important ye la de Cañamaría, en la marguin occidental de lo río.
S'observa una fuerte transformación de lo paisache, que ha provocau l'aparición d'un fenero degradau con dominio de lo lastón, chunto a lo cual existen grans extensions de cautivos. Destaca en as cercanías, a lo este de lo lugar, lo Pico Valdellosa, con 1.227 m d'altitut, y en o cual s'ubican matorrals de porteye arbustivo con presencia de encinas y quejigos. Fuents Claras se troba en a val u depresión de lo Xiloca, los suyos paisaches son de zonas cautivadas, muit planas, entre las cuals trobamos zonas de regano y de secano. Benedicto Gimeno, Emilio (coord.): 4.4. Depresión del Alto Jiloca. Comarca del Jiloca. 2003. Pach. 34-35
La presencia de lo río Xiloca y las suyas amplias zonas de cautivo fa que sía una important zona d'alimento de la grulla comuna. La cercanía a la Lacuna de Gallocanta permite que estas aus se desplacen en gran numero a las distintas zonas de cautivo de la zona de lo Xiloca.
Hidrografía Dentro de lo patrimonio natural de Fuents Claras son destacables los uellos, manantials naturals semellants a los d'atros municipios de la val de lo Xiloca, asinas clamaus en a comarca per la suya forma circular u ovalada. Ojos de Fuentes Claras. Sistema de Información del Patrimonio Cultural Aragonés. Gobierno de Aragón Ojos de Fuentes Claras Xilocapedia En estar una zona tan plana afloran en a parte mas baixa. Son cinco masas d'augua de chicota extensión y son connectadas entre ellas per cequias que aprofitan la suya augua pa regar. La masa d'augua mayor ocupa uns 1.000 m². En o municipio se denominan Las Balsas. La profundidat maxima ye entre tres y cuatro metros y la minima ye d'uns 35 cm. Los materials calsinosos de la tierra son d'una gran permeabilidat, permitindo que l'augua se infiltre dica l'acuifero, alimentando a lo río Xiloca.
Ye una zona sobrebuena pa alufrar la milaneta, la garra u la anade reyal. Tamién son muitos los cangrillos de río.
Lo paisache de los uellos ye muito vistoso en cualsequier epoca de l'anyo. Lo ciclo vital, tanto de los cautivos como de la vechetación natural, permite una variación en a tonalidat cromatica: verdes, ocres, amariellos, etc., irán cambiando a lo largo de l'anyo.
Dentro de l'arquitectura popular vinculada a los usos de l'augua destacaremos las pesqueras, lo lavador de lo Chopo, Lavadero del Chopo (Fuentes Claras) Xilocapedia lo lavador de lo Manantial (u Lo Cubo), Lavadero del Cubo (Fuentes Claras) Xilocapedia y las Suertes. Suertes Xilocapedia Mención aparte mereixen la fuent de Piedra y lo molín farinero, descritos en l'apartau de patrimonio civil.
Lo lugar ye recorriu per cuantos cursos d'augua: lo Molinar, lo Chicot y lo Lavador, toz éls con un curto trayecto que oscila arredol de los dos kilometros. Lo río Xiloca ye denominau como lo río de la Mai. Lo Molinar (u cequia de lo Molino) Acequia del Molino (Fuentes Claras) Xilocapedia ye una desviación de lo Xiloca que, partindo de lo termin municipal de Camín Reyal, riega l'ampla partida que leva lo suyo nombre y suministraba la fuerza de lo molín farinero. Lo río Chicot tiene lo suyo orichen en a fuent de las Hondoneras, confluyendo con o de lo Lavador a uns 300 m de lo suyo desembocadura en o río Mai. Lo Lavador naixe en a fuent de lo Cubo, chunto a un bien cudiau lavador publico de lo cual prene lo nombre, pa trascruzar posteriorment lo barrio de Sant Ramón, y replega en o suyo camín lo desaugüe d'asaber-las pesqueras caseras. Sobre este zaguer río i hai tamién unatro lavador municipal, lo Lavador de lo Chopo. Fuentes Claras Alcañiz Gutiérrez, Ángel. Xiloca, 18. 1996. Pach. 250-251
Atras fuents, menors en dimensions que l'anterior pero de gran importancia, son las representadas en as seis radices de la Olma que figura en o escudo y bandera: los Cuadrones, Ampón, Esteban, fuent de lo Lugar (la Fuent), de lo Cubo y fuent de la Virchen de los Navarros. Existen atras fuents como lo canyo Mana, Hondoneras, Cantalobos u la de lo Escorial, d'augua calient y salada, de la cual se diz que tiene propiedaz curativas.
Las pesqueras son chicotas fuents que naixen debaixo de las viviendas y que se canalizan enta las cequias proximas u con endrecera ta lo río Lavador en dos de los suyos barrios (Sant Ramón y las Fuents). Pesqueras de Fuentes Claras Xilocapedia
Galería fotografica
Clima A grans rasgos, las variables climaticas de la Comarca de lo Xiloca definen un clima de tipo mediterranio continentalizado fresco y bella cosa ixuto. Permite cautivar, sin necesidat de riegos artificials, cerials de grano d'hibierno, vit y plantas resistents como lo zafrán. En os hortals y campos con mayor grau de humedad ye posible lo cautivo de leguminosas, hortalicias, bulbos y bels cautivos industrials como lo canyimo y lo lino. Tamién cualques arbols fruitals, encara que en este caso cal tener en cuenta lo risgo que se produzca bella chelada en primavera y arruine la florada d'estes y impida la replegada posterior de los fruitos, lo que succede con bella frecuencia. El paisaje vegetal en la comarca del Jiloca Comarca del Jiloca. 2003. Pach. 43-60
Lo 17 d'aviento de 1963 se rechistroron –30 °C en a estación meteorolochica instalada chunto a lo centro de comunicacions pa la navegación aeria Calamocha-VOR sito en o termin de Fuents Claras, dato que suposó lo récord oficial de frío en zonas habitadas d'Espanya. Valores extremos. Calamocha, aeródromo Agencia Estatal de Meteorología (AEMET) Temperatura mínima histórica en España, Fuentes Claras (Teruel) –30 grados Youtube. RTVE. 19 d'aviento de 2013 El triángulo del frío: Teruel, Calamocha, Molina de Aragón: Estudio climático del polo del frío español Aupí Royo, Vicente. Dovleuve Comunicación. 2013 Aniversario del récord de –30ºC en 1963 Aupí Royo, Vicente. Levante EMV. 17 d'aviento de 2017 El día polar en el que se alcanzaron –30 ºC en el corazón de España El País. 17 d'aviento de 2019 Todas dos poblacions s'adchudican la paternidad de dita marca, ya que lo observatorio se denominaba oficialment Calamocha-VOR; pero d'alcuerdo con os datos oficials de AEMET en aviento de 1963, calendata d'o récord de frío en zonas habitadas de Espanya, yera ubicau en Fuents Claras, a que lo suyo termin municipal corresponden las coordenadas cheograficas. Ubicación d'o Observatorio Meteorolochico de Calamocha en Fuents Claras Google Maps Resumen de extremos climatológicos en España Agencia Estatal de Meteorología (AEMET), pach. 1 Calamocha versus Fuentes Claras: clarificando el récord de frío de –30°C en 1963 Diario de Teruel. 29 d'aviento de 2017 Fuentes Claras reivindica ser el kilómetro cero del frío en España Diario de Teruel. 17 d'aviento de 2018
Historia Las restas mas antigas de población en l'actual termin municipal son ubicaus en La Loma d'el Prau, zona situada chunto a la muga municipal con Lo Pueyo (actualment pedanía de Calamocha). Sería una ciudat romana d'epoca imperial, talment fundada en albandonar-se lo nuclio urbano en o municipio vecino (actual chacimiento de Sant Esteban) y bi habría existiu dica lo sieglo IV d.C. Actualment no quedan estructuras en superficie, encara que las restas afloradas han estau cuantiosas.
La primera referencia sobre l'actual nuclio de población de Fuents Claras amaneixe en a Adchudicación de Diezmos y Primicias de las Aldeas de la Comunidat de Daroca de lo Bispe de Zaragoza, Remón de Castrocol, en 1205, replegada en o Libro vermello de l'Archivo Colechial de Daroca, asinas como en un documento de lo Monesterio de Casbas en 1209. La suya creyación s'enmarca en o proceso historico de la Reconquiesta, en l'abance de las tropas cristianas de la Corona d'Aragón enta lo sud. Dau que los reis de Aragón no nomás tenioron que enfrontinar-se a los musulmans entre la Edat Meya –la guerra contra lo Reino de Castiella tamién estió present– lo rei Chaime II ordenó la construcción de la Ciudadela de Fuents Claras en l'anyo 1337. La zona de lo Xiloca en a cual se troba la localidat fue atacada entre la Guerra de los Dos Peros entre 1356 y 1369. En 1361 Pero IV mandó realizar obras en a Ciudadela pa resistir l'ataque castellano. Fuentes Claras Alcañiz Gutiérrez, Ángel. Xiloca, 18. 1996. Pach. 251-252
Dende 1414 Fuents Claras perteneixió a la Comunidat de Daroca, en concreto a la seixma d'el río Xiloca, y dende alavez la suya historia sería ligada a dita Comunidat dica lo sieglo XIX. Tamién perteneixió succesivament a la sobrecullida (dende 1488-1495), a la vereda Vereda Gran Enciclopedia Aragonesa (dende 1646) y a lo correchimiento (dende 1711) de dita ciudat.
Con a creyación de la nueva división territorial d'Espanya de 1833 en provincias la población fue incluyida en a Provincia de Teruel. En 1834 se constituyió como concello y dende alavez forma parte de lo partiu chudicial de Calamocha. Consejo General de Procuradores de España
Seguntes lo Diccionario geográfico-estadístico-histórico de España y sus posesiones de Ultramar de Pascual Madoz, en 1847 lo lugar teneba 412 habitants repartius en 120 casas y manteneba una escuela de primeras letras con 40 alumnos. La economía local se basaba en o cautivo de trigo, centeno, hordio, canyimo, trunfas, cibada y zafrán. Tamién mencionaba lo bestiar lanar y l'abundancia de codornices, truitas, enguilas, barbos y cangrillos de río. Amás existiba una pedrera de ruellos de molín farinero, hue albandonada. Tomo VIII. Fuentes Claras Madoz, Pascual: Diccionario geográfico-estadístico-histórico de España y sus posesiones de Ultramar. 1847. Pach. 250 Igualment, la Enciclopedia Espasa indicaba en 1924 que lo municipio ya heba triplicau la suya población en 1910 (1179 habitants, repartius en 559 casas), en 1920 se manteneba estable (1178) y manteneba lo cautivo de cereales, legumbres y trunfas como prencipal fuent de riqueza; amás, la pedrera de ruellos de molín seguiba en activo. Tomo XXIV. Fuentes Claras AAVV: Enciclopedia Universal Ilustrada Europeo-Americana. Espasa-Calpe. 1924. Pach. 1492