Limoches (en occitán Limòtges u Lemòtges ; en francés y oficialment Limoges) ye una villa y comuna d'o nord-ueste d'Occitania, en a rechión de Nueva Aquitania y d'o departamento d'Alta Viena (87). Ye la capital historica d'a rechión de Lemosín.
Cheograficament, ye situada a una distancia de 220 km a lo nord-este de Bordeus, a 290 km a lo norte de Tolosa, a 390 km a lo sud de París y ye trescruzada por a Viena.
Ye oficialment a 24ena ciudat de Francia, con mas de 137.000 habitants, en o corazón d'una aria metropolitana de mas de 180.000 habitants.
Ye conoixida por a suya industria d'a porcelana.
Toponimia O toponimo occitán Limòtges provién d'o etnonimo lemovici, que se remonta a lemo ("urmo" en galo).
A l'igual que en atras ciudaz de Galia que yeran as capitals de comunidaz galo-romanas que correspondeban a diferents pueblos galos se perdió l'antigo nombre, estando substituyiu por o nombre d'o pueblo que i residiba, en ablativo-locativo.
En aragonés medieval s'escribe Limoges, que se leye como Limoches. En os Libros de Collidas d'as Cheneralidaz d'o Reino d'Aragón, correspondients a os anyos centrals d'o sieglo XV, se puet trobar tamién documentos escritos en diferents ciudaz aragonesas a on apareixe escrito Limoges J. Ángel Sesma y Ángeles Líbano Zumalacárregui: Léxico del comercio medieval en Aragón (siglo XV) (.pdf), Institución Fernando el Católico, 1982. .
Demografía
Ta 2006, o numero d'habitants ye una estimación de l'INSEE.
Referencias
Se veiga tamién
*