Sulaymán ben Hud al-Musta'in I estió rei d'a taifa de Saraqusta (1039-1046) y fundador d'a dinastía hudí en iste reino.
En a suya choventut destacó a lo servicio de l'exercito d'Almanzor y en as guerras civils que siguioron a lo Califato. Mientres o periodo tuchibí a lo frent de Saraqusta, Sulaymán se mantenió como cadí u gubernador d'as taifas de Leida y Tudela, sosmeso a parias intermitenment por o rei de Saraqusta y barallando contra Sancho lo Gran.
En una epoca de guerras por o poder en a taifa zaragozana, otenió o refirme d'os ciudadans y remató por prenendo lo poder, y metendo como gubernadors d'os districtos d'a taifa zaragozana a los suyos fillos: en Leida situó a Yusuf al-Muzaffar, en Wasqa a Lubb (Lope), en Tudela a Mundir, en Qalat-Ayub a Muhámmad y en Zaragoza, como prencipe y rechent en a suya ausencia, a Áhmad al-Muqtadir.
Se refirmó en Fernando I de Castilla en su enfrentamiento contra la taifa de Toledo por a posesión de tierras de Guadalachara, mientres que Toledo que teneba como aliato a García de Pamplona. Por ixo habioron de pagar parias a istos reis cristianos, prencipiando d'ista traza un difícil equilibrio d'alianzas en a zona.
Cuan morió en 1046 os suyos cinco fillos, que gubernaban las diferents capitals de districto baixo lo suyo dominio, prencipioron a luitar, ta independizar-sen y mirar dimpués de redotar a los suyos rivals. Toz éls s'independizoron y cudioron moneda propia en as suyas ciudaz como simbolo de poder y sobiranía. Estió Al-Muqtadir qui, dende a mas important d'istas ciudaz, se fació con o control d'a taifa de Saraqusta.
Fuents CERVERA FRAS, M ª José, El reino de Saraqusta, Zaragoza, CAI, 1999. CORRAL, José Luis, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. MONTANER FRUTOS, Alberto, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. VIGUERA MOLINS, Mª Jesús, Aragón musulmán, Zaragoza, Mira editores, 1988. VIGUERA MOLINS, Mª Jesús, El islam en Aragón, Zaragoza, CAI, (Col. «Mariano de Pano y Ruata», nº 9), 1995.
Vinclos externos Lista de gubernants musulmans
Categoría:Reis d'a Taifa de Saraqusta Categoría:1046 (muertes)