Oriuela (pronunciau /oɾi'gwela/, como "origüela"; Orihuela del Tremedal en castellano) ye un municipio de la provincia de Teruel, situau en la comarca de la Sierra d'Albarracín. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.356 La suya población ye de 552 habitants (2013), en una superficie de 71,4 km² con una densidat de 7,55 hab/km².

Toponimia Lo toponimo Oriuela se relaciona con lo toponimo vecín Orea como forma diminutiva igual como Santolarieta con Santolaria, pero con lo sufixo diminutivo -uela. Una de las primeras mencions ye como Oreyuela, pero sabemos si la epentesi antihiatica ye real u una hipercorreción de lo escribano. Ye posible veyer escrito en textos antigos en castellano u en aragonés la forma Origüela, d'alcuerdo con una traza de pronunciar-se.

S'escribiba Orihuela en 1857 y ye oficialment Orihuela del Tremedal dende 1860. Prene l'apelativo por como se dicen las turberas en Oriuela y la suya redolada y por lo nombre de lo Santuario de la Virchen d'el Tremedal (Santa María la Vyeja del alto de Oriuela en un texto de 1486). Las turberas son suelos tovos que cuan lo pisan tremola.

Cheografía Ye situau en una plana, que corresponde a un polje karstico, en lo cabalto de la compleganza de lo río Gallo y a piet de la Sierra d'el Tremedal, segmento de la Sierra d'Albarracín. Bi ha extensas pinars de pin royo (Pinus sylvestris); lo pin royo en bel puesto substituye a lo caixico Quercus pyrenaica, dito aquí Marhojo. Bi ha bellas turberas u tremedals, con plantas carnivoras de los cheneros Drosera y Pinguicola; las pauls huei son ocupadas por la pinars de pin royo, pero que dica lo sieglo IX teneban abetullos. Los dos zaguers abetullos de la provincia de Teruel se troban en una part de lo termin d'Oriuela mugando con Guadalachara.

Mugas Lo suyo termin municipal muga (en sentiu horario) con: Orea, Alustante, Rodenas, Bronchales, y con El Puerto (una prolongación occidental de lo termin d'Albarracín que desepara de Orihuela los termins de Griegos y Noguera d'Albarracín).

Historia Se suposa que Oriuela fue repoblada dimpués de la suya reconquiesta por navarros, que trayoron con ellos lo culto a Sant Millán de la Cogolla, patrón d'esta localidat.

Estió una aldeya de la Comunidat d'Albarracín que feba part de la seixma de Bronchales. En 1446 y en 1495 yera de la sobrecullida de Teruel. En 1646 yera de la vereda de Mont Albán. En 1711 teneba ya la categoría de lugar y perteneixeba a lo correchimiento d'Albarracín, como en 1833 Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp 952-953..

Demografía

Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Popular 3 Partido de los Socialistas de Aragón 2 Partido Aragonés 2 Total 7 Alcaldes Lista d'alcaldes Lechislatura Nombre Partiu politico1979–1983Manuel Sanz CaveroIndependient1983–1987Eusebio Aparicio Villén AP1987–1991Manuel Sanz Cavero PSOE1991–1995Alberto Villén PinillaPAR1995–1999Isidro Villen SorandoPAR1999–2003Rafael Samper Miguel PAR2003–2007Rafael Samper Miguel PAR2007–2011Rafael Samper Miguel PAR2011–2015Rafael Samper Miguel PP2015–2019Rosa Maria Sánchez CasasPP2019–20232023–2027 Rafael Samper Miguel Consulta el listado de alcaldes que han sido proclamados en Aragón en Heraldo de Aragón. PAR

Puestos d'intrés O pino Rodeno. Iglesia parroquial de San Millán de la Cogolla, d'a que cal destacar os treballos realizaus en fusta que bi ha en o suyo interior. Santuario d'a Virchen d'o Tremedal. Casa de Franco Pérez de Liria, d'o sieglo XVII, d'a que cal destacar o treballo de forcha. Os ríos de piedras mas grans d'Europa y entre os mas grans d'o mundo.

Referencias

*