Villar d'el Cobo (en castellano Villar del Cobo) ye un municipio aragonés de la provincia de Teruel, situau en la comarca de la Sierra d'Albarracín.
La suya población ye de habitants, en una superficie de 53,9 km², con una densidat de población de hab/km².
Toponimia Agustín Ventura Conejero considera los toponimos Villar y Villa como de tiempos de la reconquiesta Agustín Ventura Conejero: Toponimia de la provincia de Teruel. Revista Teruel, 48, 1972. p 237.. Seguntes Antonio Ubieto Arteta ye El Villar entre 1543 y 1609, Villar del Cobo dende 1646. Manimenos en un texto de 1478 de la Cort de Chusticia de la Casa de Ganaders de Zaragoza ya trobamos Villar del Quobo.
Entre los suyos microtoponimos con aspecto aragonés tenemos Pincorbo y Mirabuenos.
Cheografía Villar d'el Cobo ye situau a la ezquierda de lo forcallo de lo río Griegos con lo río Guadalaviar, a piet de la Muela de Sant Chuan, a 1.430 metros d'altaria dencima de lo livel d'a mar y a una distancia de 78 km de Teruel, la capital de la suya provincia. Comprende lo casal de Casas de Búcar.
Lo termin municipal de Villar d'el Cobo corresponde una part a zonas de paramera y una part de los Monts Universals.
La paramera de Villar d'el Cobo ye a 1.600-1.800 m d'altaria y s'estendilla dende las muelas de los Monts Universals dica las vals y foces de los ríos Garganta a lo norte y Guadalaviar a l'este, incluyindo terrenos de lo termin municipal de Griegos. Los materials que afloran en esta paramera son d'edat churasica y son karstificaus, con campos de dolinas. Destaca lo campo de dolinas de la paramera de Loma Alta, con dolinas en bacía José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. . pp 44-47, pp 58-59. Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. p 51..
En la part sud de lo termin, entre Guadalaviar y Fridas d'Albarracín bi ha un sistema de poljes karsticos que s'estendilla tamién por los termins municipals d'estas localidaz, son las navas de Villar d'el Cobo, destacando la Nava Seca. Actualment estos poljes u navas desauguan enta lo Tacho u enta lo Guadalaviar. La vía pecuaria Canyada d'el Saz ye en una nava que desaugua en lo río Guadalaviar a traviés de l'arroyo d'el Rollo.
Mugas Lo suyo termin municipal muga a l'ueste con Guadalaviar y con Griegos, y por las atras parz con las mangas d'Albarracín (estreitas faixas de lo termin municipal d'esta localidat), faixas que lo deseparan de Noguera d'Albarracín, de Tramacastiella, de Calomart, de Fridas d'Albarracín, y de la muga provincial con la provincia de Cuenca.
Historia Villar d'el Cobo estió una aldeya de la seixma de Villar d'el Cobo adintro de la Comunidat d'aldeyas d'Albarracín. Fació part tamién de la sobrecullida d'Albarracín por lo menos dende 1446 dica 1495, de la vereda de Mont Albán en lo sieglo XVII y de lo correchimiento d'Albarracín. En 1785 prenió la categoría de "lugar" Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. p 1362..
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido de los Socialistas de Aragón 4 Partido Popular 1 Total 5 Alcaldes Lista d'alcaldes Lechislatura Nombre Partiu politico1979–1983Valeriano Valero GarcíaPSOE1983–1987 1987–1991 1991–19951995–19991999–2003 2003–2007 2007–2011 2011–2015Francisco Pérez Valero PSOE2015–2019José Miguel Aspas CutandaPP2019–20232023–2027 José Miguel Aspas Cutanda Consulta el listado de alcaldes que han sido proclamados en Aragón en Heraldo de Aragón. PP
Molimentos Ilesia de los Santos Chusto y Pastor, protechida legalment dende 2002 con la suya declaración como Bien d'Intrés Cultural. Ye una ilesia de lo sieglo XVI en estilo renaixentista. Texto en lo BOA de la declaración de la Ilesia de los Santos Chusto y Pastor de Villar d'el Cobo como Bien d'Intrés Cultural.
Fiestas 2 de chulio, Virchen de lo Rosario. 22 de chulio, Santa María Malena (conoixida popularment como La Malena), con romería a la ermita de la Malena.
Vinclos externos www.VillarDelCobo.com https://web.archive.org/web/20071016032414/http://inicia.es/de/jlaspas/Villar%20del%20Cobo.htm
Referencias
*