Este articlo ye sobre lo lugar teruelano de Bellestar. Pa atros usos leiga Bellestar (desambigación).
Bellestar (Villastar en castellano) ye una villa y municipio de la provincia de Teruel, situato en la comarca de la Comunidat de Teruel. La suya población ye de 494 habitants (2018), en una superficie de 38,9 km² con una densidat de 8,71 hab/km².
Cheografía Ye situato entre materials cuaternarios de lo Guadalaviar y materials terciarios que son mas entalto respecto a lo río, a piet d'una Muela.
Mugas Lo suyo termin municipal muga con Teruel, Cubla, con un cantón de Cascant, con Villel y con Rubials
Historia En lo cabalto d'una muela, a lo sud de lo termin, bi ha un poblato prerromano. Un poco mas a lo sud d'ixe poblato bi ha atra muela, dita Penyalba con un santuario pagano solar, lo santuario de Penyalba de Bellestar.
Bellestar fació part de la Comanda templera de Villel, que con la disolución de la orden a principios de lo sieglo XIV, pasó a fer part de la Castellanía d'Amposta de la Orden de lo Hespital. Bi ha dos textos templers relacionaus con los primers pobladors.
En un texto de lo 19 de chunyo de 1264 los templers atorgan l'alquería de Bellestar a vint pobladors; este texto ye escrito en aragonés.
Manimenos lo 15 de chuliol de 1267 los templers atorgoron l'alquería de Bellestar a trenta familias moras; lo texto ye escrito en latín. María Luisa Ledesma Rubio: Cartas de población del reino de Aragón en los siglos medievales. Fuentes históricas aragonesas 18. Institución Fernando el Católico, 1991. p 260.
Toponimia Lo suyo nombre no se relaciona con lo latín villa, lo pareixito con villa ye casual y por etimolochías populars, y inicialment estió Bellestar como atros toponimos aragoneses. En lo Fogache de 1495 s'escribiba Bellestar de la Encomienda de Villel. En 1697 lo rei Carlos II d'Aragón li dio lo nombre como municipio independient de Real Villa de Villa-Estar.
Microtoponimos curiosos de lo termin de Bellestar son: Los Tollos, Mingacho, Tarayuela, La Loma, Barranco de la Umbría del Royo, Pinada de Roque, Los Horcajos, Llano de Cerrejeda, Puntal del Hocino, Canyigordo y Penyalba.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Popular 2 Partido de los Socialistas de Aragón 2 Chunta Aragonesista 2 Partido Aragonés 1 Total 7 Alcaldes Lista d'alcaldes Lechislatura Nombre Partiu politico1979–1983Manuel Yagüe NavarreteUCD1983–1987José Marqués PSOE1987–1991J. Marqués- Manuela Pérez PSOE1991–1995M. Jesús Simón MartínPP1995–1999Juan SánchezPP1999–2003Ángel Guijarro PSOE2003–2007Luis Ibáñez Calomarde PAR2007–2011Luis Ibáñez Calomarde PAR2011–2015María Luisa Romero Fuertes CHA2015–2019Justo Cortés García CHA2019–20232023–2027 Luis Antonio Martin Romero Consulta el listado de alcaldes que han sido proclamados en Aragón en Heraldo de Aragón. CHA
Puestos d'intrés Ilesia parroquial de Santa Engracia, sieglo XVIII, estilo barroco. Ermita de Sant Antón, sieglo XVIII. Santuario de Penyalba de Bellestar.
Fiestas 1 de mayo, curiosament coincidindo con, Beltaine fiesta de lo calendario celta.
Referencias
*