Carabantes ye un municipio castellanoleyonés, situau en la provincia de Soria.
La suya población ye de 19 habitants (2017), en una superficie de 16,42 km² y una densidat de 1,16 hab/km².
Mugas Lo suyo termin municipal muga con Deza, Quiñonería, Reznos, Verdello y Bichuesca.
Toponimia Ramón Menéndez Pidal consideraba lo toponimo Carabantes d'orichen ilirico Eleuterio Carracedo Arroyo: Toponimia de la Tierra de Soria. Ediciones de la Diputación de Soria. Colección Temas Sorianos nº 32, 1996. p 62., porque bi heba un principe ilirio dito CARAVANTIUS y lo fa remontar a carau ("piedra", como lo toponimo ligur "la Crau", una reserva d'aus esteparias en Provenza). Coromines, que diz que las primeras luengas indoeuropeas que se charraban en la Peninsula Iberica no yeran encara diferenciadas en las brancas actuals celta, itala, iliria u atras, lo considera indoeuropeu sin diferenciar u sorotaptico.
La terminación -ntes que presentan atros toponimos peninsulars como Ledantes y Polientes en Cantabria se remontan a los chenitivos singulars de la tercera declinación latina LAETANTIS y POLLENTIS d'antroponimos u cognomens feitos a partir de lo participio activo de present. En los dos casos s'ha dau la evolución fonetica regular de lo iberorromanz Alberto González Rodríguez: Toponimia mayor de Cantabria: topónimos con origen en antropónimos, p 8.. Este orichen a partir d'un chenitivo en -NTIS y un antroponimo u cognomen encaixa prou bien pa lo toponimo Carabantes como fosilizador d'un chenitivo *CARAVANTIS etimolochicament relacionau con l'antroponimo bien documentau CARAVANTIUS. Los toponimos Cervantes podrían estar variants de Carabantes Roberto Faure, María Asunción Ribes, Antonio García: Diccionario de apellidos españoles. Espasa-Calpe, 2009, p 239..
En lo fuero de Calatayú (escrito en 1131 en latín medieval) fan mención de Carabantes como una muga de lo termin de Calatayú:
Referencias
Categoría:Municipios de Soria que mugan con Aragón