Arasán ye un lugar aragonés de la provincia de Uesca situau en la comarca de Ribagorza, en lo municipio de Bisagorri.
La suya población yera de 22 habitants en l'anyo 2007.
Toponimia Lo toponimo Arasán se remonta a una forma mes antiga Ararán que ya se leye en las Decimas de Castillón, texto latín medieval de zaguers de lo sieglo X y primers de lo XI, con elementos en romance ribagorzano local:
Encara se mantién como Ararán en libros de tasas de lo sieglo XIV de l'Archivo Capitular de Leida.
S'ha quiesto explicar a partir de lo basco aran ("val") u a partir de lo latín ara ("altar"). I ha una interpretación que lo remonta una duplicación de la parola aran Jesún Martín de las Pueblas Rodríguez: Sobre la toponimia del Valle de Benasque. Alazet. Revista de Filología, nº 17 pp 140-141. dando un significau superlativo de "val". Foneticament lo cambio dende -r- a -s- no ofreixe grans problemas por estar d'antes solucions posibles de la evolución d'una -LL- latina, d'astí que en Ribagorza se puedan dar alternancias entre toponimicas Castièro y Castieso u que "paniquesa" se diga paniquera en ribagorzano.
Cheografía Arasán ye situau en una zona que se diz El Solano, en la costera de lo mont Gallinero, a 1.240 metros d'altaria sobre lo livel d'a mar y a una distancia de 140 km de la ciudat de Uesca, la capital de la suya provincia.
Demografía
Molimentos Casa Castán y Casa Chulià. Ilesia d'el Santo Cristo d'Arasán, una ilesia en estilo romanico en la suya mes gran part, encara que esviellada mientres lo sieglo XV ya en estilo gotico. Ermita de Santa Barbara. Ermita de Sant Llorenz. Ermita de Sant Per Mártir.
Referencias
Veyer tamién Lista de municipios de Uesca.
Categoría:Entidaz locals menors d'Aragón Categoría:Localidaz d'Aragón con fiestas patronals ta o Santo Cristo Categoría:Lugars de Bisagorri Categoría:Localidaz d'a diocesi de Balbastro-Monzón en Ribagorza