O maellán ye a parla local catalana que se charra en a localidat aragonesa de Maella, en a comarca d'o Baixo Aragón-Casp.
Ye catalán occidental, pero combina caraters de muito a o norte (Ribagorza, Pallars), u de mas a o sud (bels valencianismos), que no se troban en os lugars vecins. Tamién i son presents mas castellanismos y aragonesismos.
Fonetica L'-a final atona se pronuncia como una E ubierta atona, igual que en as parlas leridana, fragatina y de Gandesa. O grupo latino -CT- (-KT-) conserva a i en bellas palabras que tamién se sienten en o baixo Matarranya (lleit, pleit, guareit), pero tamién en atras palabras coincidindo con o ribagorzano y pallarés: feit, treit. A G, J d'o catalán cheneral se pronuncian -tx- (-ch-), fenomeno clamato apichat que se produce en muitos lugars antigament buegals con l'aragonés dende Valencia dica Ribagorza: chermá (germà en ortografía catalana), chelá (gelar), chirá (girar), etcetera...
Morfolochía Os posesivos mon, ton, son, ma, ta, sa no s'emplegan y son substituyius por mi, tu, su: Eixemplos: mi mare, tu iaio, su pare
Lexico Bi ha aragonesismos como "plantaina" en cuenta de plantatge, "sartana" en cuenta de paella, "craba" en cuenta de cabra y o vocativo "fillo", (dicen fill cuan no ye vocativo). L'aragonesismo sartana ye curioso porque coincide con o cheso y ansotano (aragonés occidental), y contrasta con l'aragonés cheneral y ribagorzano sartén, con o que habría de tener millor connexión.
Bibliografía Artur Quintana i Font: Els parlars del Baix Matarranya, Estudis de Llengua i Literatura Catalanes, XIV. Publicacions de l'Abadia de Montserrat, Barcelona, pp. 155–187. 1987.
Maellán Categoría:Maella Maellán