Aibar (Oibar en basco) ye una localidat y municipio d'a comunidat autonoma de Navarra, situau en a comarca de Sangüesa y merindat de Sangüesa.
A suya población ye de 920 habitants (2008) en una superficie de 47,96 km², con una densidat de población de 19,6 hab/km².
Parla Ricardo Ciérbide y Ramón Menéndez Pidal consideran tres fases de romanización en o nord-este d'a Peninsula Iberica. Una primera en o corredor de l'Ebro, una segunda en l'Alto Aragón y zona oriental de Navarra (Sangüesa), y una tercera mas tardana que encara contina. La segunda ye la que se produciría en Sangüesa/Zangotza entre los sieglos VI u VII, pero lo basco duraría un sieglo mas en Aibar, pus a toponimia conserva bel nombre basco. Patxi Salaberri crei que la perdua de lo basco en Aibar estió en o sieglo X.
Toponimia Os nombres d'Aibar en la documentación antiga son: Aibaría (882), Agibare (1027), Aibar, Aibare, Aibari, Aiuar, Aiuare, Aiubare, Aiuuar, Aiuruuare, Aivar, Aybare, Ayuar, Ayvar (sieglos XI-XIII)
A forma basca de lo nombre, Oibar, se conserva en o basco d'a val de Sarasaz con variants, pero cuasi que no apareixe en a documentación antiga oficial (que yera en romance), pero se plegó a escribir en bellas escrituras: Oiuar (1074, 1076), García Oivarco (sieglo XI u XII). Por un cheneral o nombre vien chunto a la palabra bidea (lo camín): Ottra viña… en Oibarbidea (en Liach, anyo 1763). Otra viña… en el camino de Oibarbidea teniente al Camino que de Aibar… (Liach, anyo 1723). Otra viña… en el Camino de Oibarbidegaña teniente… al camino de Aibar (Liach, anyo 1723).
A variant d'o nombre en parla de Sarasaz ye: Oibarre, pronunciau Oibárre y Óibarre. Patxi Salaberri, miembro d'a Comisión Onomastica, recomendó l'emplego d'Oibar por razons historicas (estió la forma orichinal y s'emplegó en o lugar y redolada suya dica lo sieglo XVIII) y de coherencia con atros toponimos en Oibar d'atras comarcas.
Demografía
Veyer tamién Lista de municipios de Navarra.
Vinclos externos
*