Iste articlo ye sobre o lugar d'o municipio de Loscos. Ta atros usos, se veiga Perafita (desambigación).
Perafita (Piedrahita en castellano) ye un lugar aragonés de la provincia de Teruel, perteneixient a lo municipio de Loscos. La suya población ye de 13 habitants (2006).
Cheografía En la zona de huerta se cautivan unas celebres chodigas.
Historia Lo mesmo rei Alifonso I lo Batallero concedió fuero a Perafita en 1132. Perteneixió a la seixma de Trassierra de la Comunidat de Daroca.
Toponimia Una de las mencions mes antigas ye en la Carta de población de Mont-fort, ye latinizau como Petrafixa:
Este texto escrito en latín medieval podría explicar la localización de Fadjdj Badra, a on que seguntes Al-Udri yera lo naixedero de La Uerba y que perteneixeba a lo Iqlim de Cutanta Ortega Ortega, Julián: Sociedad y administración del territorio en el tagr al-‘alà: El ejemplo del iqlim de Qutanda. Arqueología y territorio medieval, ISSN 1134-3184, Nº 5, 1998, pp 31-54.. Fadjdj significa en arabe "foz" y habría feito referencia a los espacios entre las sierras y muelas que bi ha en la redolada de lo puerto de Fuent Frida. Batra ye una arabización de "PETRA", documentada en atros puestos.
Perafita s'escribiba Peraffita en la lista de primicias de 1279-1280, Perafita en la manifestación de lo morabetín de 1373 y Piedrafita en lo Fogache de 1495. La chent de la zona dice Pedráita, documentando-se Peráita en Mezquita de Loscos.
En un texto de l'anyo 1485 de la "Documentación medieval de la Cort de lo Chusticia de Ganaders de Zaragoza" s'escribe Pierayta:
Cerca de Perafita bi ha microtoponimos en aragonés: Barranco de los Terreros y Gallipuente, visibles en las Guías Prames.
Molimentos Ilesia de Sant Pavlo Apóstol.
Referencias
Bibliografía Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.
Categoría:Lugars de Loscos Categoría:Localidaz d'a diocesi de Teruel y Albarracín en o Xiloca