Mercadal (agora Pardina de Mercadal en castellano) ye un lugar despoblato de la provincia de Teruel, perteneixient a lo municipio de Loscos. La suya población ye de 0 habitants (2006).
Historia Pertenexió a la seixma de Trassierra de la Comunidat de Daroca. No i heba que un fuego (familia) en 1495 y 1646. La pardina formata por las tierras de lo suyo termin municipal la administroron los cinco lugars vecins dica que en la decada de 1960 la metioron en lo termin de Loscos.
Toponimia En la manifestación de lo Morabetín de 1373 lo claman Mercadal; la mesma palabra se troba entre los elementos romances de textos latinos aragoneses.
Mercadal u Mercatal significa mercato en aragonés medieval, mozarabe y arabe antigo de Fez (ciudat poblata en parte con musulmans d'orichen andaluz). Se pareix tamién a lo gascón marcàdau, que se vei en lo toponimo tensino Puerto de Marcadau
Molimentos Ermita de Sant Miguel, romanica.
Bibliografía Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.
Categoría:Lugars de Loscos Categoría:Despoblaus d'a provincia de Teruel Categoría:Localidaz d'a diocesi de Teruel y Albarracín en o Xiloca