O pasau imperfecto d'indicativo s'emplega pa indicar una acción verbal pasada pero vista en la suya durada, ye dicir, en una unidat de tiempo que no ha rematau, sin importar cuan encomenzó ni cuan remató.
O pasau imperfecto d'indicativo en aragonés ye diferent a como ye en idiomas vecins como castellano u catalán. Manimenos ye pareixiu a como ye en italiano y gascón. En aragonés, italiano y gascón s'expresa metendo dezaga la radiz una desinencia -BA- y dimpués las desinencias personals. Ye una traza mes fidel a lo modelo latín y a conservación d'a -b- en la 2ª y 3ª conchugacions la consideran bels filologos como d'alcuerdo con una caracteristica d'a fonetica aragonesa y d'os atros dos lenguaches mencionaus, on bi ha tendencia a la consonant oclusiva sonora latina como en remugar, coda, leixiva.
PARTI-BA-M > *Partiva > Partiba PARTI-BA-S > *Partivas > Partibas PARTI-BA-T > *Partiva > Partiba PARTI-BA-MUS > *Partívanos > Partíbanos PARTI-BA-TIS > *Partívats > Partíbaz PARTI-BA-NT > *Partívan > Partiban
O pasau imperfecto d'indicativo en aragonés
As formas mes chenerals y que se fan servir en aragonés común son:
{| class="wikitable" | bgcolor=#cccccc | persona | bgcolor=#cccccc | 1ª Conchugación | bgcolor=#cccccc | 2ª Conchugación | bgcolor=#cccccc | 3ª Conchugación |- | bgcolor=#DDEEFF | 1ª Sing. | bgcolor=#DDEEFF | Aduyaba | bgcolor=#DDEEFF | Debeba | bgcolor=#DDEEFF | Partiba |- | bgcolor=#DDEEFF | 2ª Sing. | bgcolor=#DDEEFF | Aduyabas | bgcolor=#DDEEFF | Debebas | bgcolor=#DDEEFF | Partibas|- | bgcolor=#DDEEFF | 3ª Sing.| bgcolor=#DDEEFF | Aduyaba | bgcolor=#DDEEFF | Debeba | bgcolor=#DDEEFF | Partiba |- | bgcolor=#DDEEFF | 1ª Plur.| bgcolor=#DDEEFF | Aduyábanos | bgcolor=#DDEEFF | Debébanos | bgcolor=#DDEEFF | Partíbanos |- | bgcolor=#DDEEFF | 2ª Plur.| bgcolor=#DDEEFF | Aduyábaz | bgcolor=#DDEEFF | Debébaz | bgcolor=#DDEEFF | Partíbaz |- | bgcolor=#DDEEFF | 3ª Plur.| bgcolor=#DDEEFF | Aduyaban | bgcolor=#DDEEFF | Debeban | bgcolor=#DDEEFF | Partiban
A desinencia personal en a 1ª persona plural cambia ta -nos n'este y atros tiempos verbals: o pasau imperfecto de subchuntivo y os condicionals (que derivan d'o imperfecto d'indicativo). Ye notable tamién que as formas con -nos son tamién esdruixulas, n'un romance que huei tiende a no pronunciar esdrúixols, pero que en o pasau ne pronunciaba (como en Puértolas).
O pasau imperfecto d'indicativo en francés
O pasau imperfecto d'indicativo en francés se forma con as desinencias -ais, -ais, -ait, -ions, -iez, -aient sobre a radiz. persona 1ª Conchugación 1ª Sing. Chantais 2ª Sing. Chantais 3ª Sing. Chantait 1ª Plur. Chantions 2ª Plur. Chantiez 3ª Plur. Chantaient
En o caso d'os verbos irregulars a radiz d'o pasau imperfecto coincide con a d'as primera y segunda personas en plural d'o present d'indicativo.
persona 1ª Conchugación 1ª Sing. Pouvais 2ª Sing. Pouvais 3ª Sing. Pouvait 1ª Plur. Pouvions 2ª Plur. Pouviez 3ª Plur. Pouvaient
Esto fa que os verbos remataus en -ier y en -yer d'a primera conchugación francesa presenten formas en -ii- u -yi-Os verbos remataus en -ier en francés (étudier, remercier, oublier, apprecier) son relacionaus con beluns d'os verbos remataus en -iar no frecuentativos en aragonés (estudiar, apreciar).
persona 1ª Conchugación 1ª Sing. Étudiais 2ª Sing. Étudiais 3ª Sing. Étudiait 1ª Plur. Étudiions 2ª Plur. Étudiiez 3ª Plur. Étudiaient
Os verbos remataus en -yer en francés (payer, employer) son relacionaus con beluns d'os verbos remataus en -gar en aragonés (pagar, emplegar).
persona 1ª Conchugación 1ª Sing. Payais 2ª Sing. Payais 3ª Sing. Payait 1ª Plur. Payions 2ª Plur. Payiez 3ª Plur. Payaient
A part d'os usos pasaus o imperfecto d'indicativo se fa servir o imperfecto d'indicativo en oracions condicionals hipoteticas ocupando o puesto que en atras luengas neolatinas corresponde a lo pasau imperfecto de subchuntivo:Si j'étais riche je ferais le tour du monde''. "Si fuese rico faría a vuelta a lo mundo".
Categoría:Tiempos verbals