Lo puntal de Penyagolosa ye una cima de lo Sistema Iberico situada entre los termins municipals de Villafermosa, Vistabella y Chodos (Castellón), a pocos km de la muga con la comarca de Gúdar-Chabalambre de la provincia de Teruel.
Ye la segunda cima mes alta de lo País Valenciano con 1.813 metros d'altaria sobre lo nibel de la mar, dezaga de lo Cerro Calderón en lo Rincón d'Ademuz. Lo puntal de Penyagolosa ye tan alta que se vei dende muitos kilometros arredol, tanto dende bella zona de Castellón y Gúdar-Chabalambre, como dende lo Tozal dels Tres Reis (Puertos de Beceit).
La sierra de Penyagolosa ye en la branca levantina de lo Sistema Iberico Julio Muñoz Jiménez, Concepción Sanz Herráiz: Guía Física de España. 5 Las Montanyas. Alianza Editorial, 1995, p 143. y en la unidat morfoestructural dita Serranías de Gúdar. Representaba ya un releu residual en la superficie d'erosión fundamental de la Cordelera Iberica de zaguers de lo Terciario. José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. p 81-91.
Toponimia L'oronimo puntal de Penyagolosa presenta un formant puntal que significa "prominencia aguda de lo terreno", José Ángel Urzay Barrios: Cultura popular de la Comunidad de Calatayud. Arquitectura popular, tradición oral, fiestas y costumbres de la comarca. Tomo I. Centro de Estudios Bilbilitanos, Comunidat de Calatayú, 2006. p. 34. seguiu de Penyagolosa, que ye tamién lo nombre de la sierra. S'ha mirau d'interpretar l'oronimo Penyagolosa con diferents hipotesis toponimicas. Una hipotesi lo fa provenir de Penya Glaçosa por lo chelo que d'antes duraba muito en la suya cima. Unatra hipotesi ye a partir de PINNA LUGOSA fendo-la derivar de lo dios celta Lug, y presuposando que yera una montanya sagrada.
La hipotesi mes fiable la fa derivar de PINNA COLOSA, por sonorización de la C- latina, y se puet notar mes bien dende la versant churra u versant sud por la carretera que va dende Puerto Mingalvo ta Castiello de Villamalefa, destacando muito entre los atros releus en cuesta como un Coloso.
Un toponimo pareixiu mos trobamos en lo termin municipal de Bronchales: Penya Cabezacolosa, un mont de 1770 m d'altaria.
Penyagolosa ye mencionada en la Bula d'Hadrián IV de lo 22 de chunio de 1158:
Curiosidaz Penyagolosa ye una muga lingüistica por estar muga de diocesi, uno de los cabos de la diocesi de Zaragoza d'acuerdo con la Bula d'Hadrián IV. D'esta traza Chodos y Vistabella son catalanoparlants por haber perteneixiu a la diocesi de Tortosa y Villafermosa ye castellanoparlant churra (y antigament aragonesoparlant).
Referencias
Bibliografía Emili Casanova: La fontera lingüística castellano-catalana en el País Valenciano. Revista de Filología Románica Vol 18, (2001) 213-260.
Vinclos externos // Información de lo Parque Natural del Penyagolosa. Fuella d'o vértiz cheodesico
Categoría:Montanyas d'o Sistema Iberico Categoría:Montanyas d'a provincia de Castellón Categoría:Vertices cheodesicos d'o País Valenciano Penyagolosa Penyagolosa