Exerica u Xerica (Xèrica en catalán, Jérica en castellano) ye un municipio d'a provincia de Castellón, situato en a comarca de l'Alto Palancia. A suya población ye de 1.589 habitants (2007), en una superficie de 78,30 km² con una densidat de población de 20,29 hab/km².
Toponimia Documentata en o sieglo XII en arabe como Xariqa, se remonta a la radiz Xarif (como en Omar Xarif) y significa castiello de nobles. En aragonés s'escribiba Xerica u Exerica y se castellanizó como Jérica.
En toponimia menor tenemos bel aragonesismo. En una parte d'o nuclio urbán relacionata con l'antigo castiello y murallas, bi ha una carrera clamata calle del Ruejo (Ruejo ye una castellanización de l'aragonés Ruello).
Historia O 22 de chunio de 1238, enantes d'a reconquiesta de Valencia, o rei Chaime I donó o castiello y villa d'Exerica a lo concello de Teruel, dando-li una delimitación:
En 1234 acotoloron a los moros d'Exerica, y la repobloron con aragoneses en 1249.
O 9 d'abril de 1255 Chaime donó o castiello y villa d'Exerica a la noble Tresa Chil de Bidaurre y a lo fillo d'os dos o futuro infant Chaime d'Exerica, indicando que son situatos en o Reino de Valencia. Por o que pareix Chaime I tenió un intrés especial en deseparar Exerica d'o concello de Teruel. O texto de deseparación ye de 1261:
A Baronía d'Exerica estió en mans d'os descendients de Chaime d'Exerica dica 1369 con a muerte de Chuan Alifonso d'Exerica.
Demografía
Bibliografía Enric Guinot: Els límits del regne, el procès de formació territorial del País Valencià medieval (1238-1500). Edicions Alfons El Magnànim. 1995.
Categoría:Localidaz d'a provincia de Castellón