O pico Moros u pico Os Moros (oficialment Pico Moros / Balaitús, en occitán Vathleitosa, en castellano Balaitus, en francés Balaïtous/Batleïtouse) ye un macizo de piedra molar d'os Pireneus, situato en a muga entre Aragón y Occitania, que sinyala o prencipio por l'este d'os Altos Pireneus. O pico Moros (3.144 m.) ye o primer d'os Pireneus que brinca os 3.000 m. dende a costa atlantica y en a suya cima bi ha un vértiz cheodesico.
Se situa entre a val de Tena en Aragón (Sallent de Galligo) y a val d'Azun, en Occitania.
Puyadas
1825 - A primera puyada d'o pico Moros la realizoron os tecnicos cheodesicos franceses Peytier y Hossard dimpués d'haber feito tuca por error, debito a la boira, en o pico de Palas. 1864 - A segunda puyada la realizó o gran pireneista Charres Packe, que dimpués de cuantos intentos consiguió tuca creyendo estar o primer en lograr-ne, ta escubrir con sospresa as evidencias d'a primera puyada de 1825.
Rotas de puyada Existen diversas rotas de puyada a o pico Moros, pero denguna ye fácil, debito a o deslivel superior a 1500 m. que existe dende cualsiquier punto de dentrada por carretera.
En a parti occitana a rota mas cutiana ye trescruzando o chelegar d'as Neous salindo de belún d'os refuchios d'a redolada, Larribet (2.060 m), Balaïtous (G.Ledormeur) (1.970 m) u Arrémoulit (2.305 m).
En a parti aragonesa salindo dende l'aparcamiento d'a Sarra, amán de Sallent de Galligo, y dimpués, u indo-se-ne enta os ibons d'Arriel u enta l'ibón y refuchio de Respomuso.
Vinclos externos Descripción d'a puyada a o Pico Os Moros Fuella d'o vértiz cheodesico
Moros Moros Moros Moros Moros Moros Moros Categoría:Vertices cheodesicos d'Aragón Categoría:Macizo de Pico Moros Moros Moros