Castellnou (Castellnou en catalán, Castellnovo en castellano y oficialment) ye un municipio valenciano d'a provincia de Castellón, situato en a comarca de l'Alto Palancia. Fa parte d'o partiu chudicial de Segorb.
A suya población ye de 1.065 habitants (2011) en una superficie de 19,2 km², con una densidat de población de 55,47 hab/km².
Cheografía O lugar de Castellnou se troba situato a 347 metros d'altaria sobre o ran d'a mar, a una distancia de 53,9 km d'a ciudat de Castellón de la Plana, a capital d'a suya provincia, y de 57,1 km d'a ciudat de Valencia, a capital d'o País Valenciano.
Toponimia En 1256 Chaime I d'Aragón ordena a los alcaitz y a los habitants d'a comarca que deixen pasturar a lo bestiar de Segorb y escriben en o texto en latín o toponimo latinizato Castronovo:
O toponimo Castellnou amaneix en textos medievals aragoneses como una concordia entre os habitants de Segorb y Castellnou. Cayetano Torres Fornes: Sobre voces aragonesas usadas en Segorbe, 1903. A forma actual en castellano corresponde a una restitución d'a vocal final partindo d'a forma orichinal, que pareix tener tractamiento fonetico catalán.
Historia En 1228 Castellnou fue conquiesta por o rei Chaime I d'Aragón, estando o suyo primer sinyor Berenguer d'Entenza, d'o linache d'os Entenza, encara que dimpués la vendió a Guillem d'Esplugues. En cualsiquier caso, a suya repoblación se fació con aragoneses, navarros y catalans.
Con a expulsión d'os moriscos en 1609 o lugar quedó cuasi despoblato de raso, tornando-se a repoblar, ista vegata con aragoneses y catalans.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Resultatos d'as eleccions municipals de 2011 en l'Armentera en a pachina web d'o Ministerio d'o Interior. Partido Popular 5 Partit Socialista del País Valencià-PSOE 4 Total 9
Alcaldes Lista d'alcaldes Lechislatura Nombre Partiu politico1979–1983 Francisco Llop Villalonga Unión de Centro Democrático1983–1987 Benjamín Piquer Sánchez Alianza Popular1987–1991 Francisco Llop Villalonga Alianza Popular1991–1995 Manuel L. Gil Morro Partit Socialista del País Valencià-PSOE1995–1999 Manuel L. Gil Morro Partit Socialista del País Valencià-PSOE1999–2003 Manuel Fernando López Gil Partit Socialista del País Valencià-PSOE2003–2007 Manuel Fernando López Gil Partit Socialista del País Valencià-PSOE2007–2011 Jorge Picó Sánchez Partit Socialista del País Valencià-PSOE2011–2015 María Teresa Gonzalvo Llop Partido Popular
Molimentos right|thumb|250px|O castiello de Castellnou. Molimentos civils Castiello de Castellnou, un castiello d'orichen romano que enamplaron os musulmans dica la suya conquiesta en 1228 por Chaime I d'Aragón y esviellato de raso en o sieglo XIV por Guillem d'Esplugues. Ye protechito legalment con a suya declaración como Bien d'Intrés Cultural. Cisterna arabe de Castellnou, una cisterna d'orichen arabe. Torre de Mal Paso, que se feba servir d'antis mas ta enlazar o castiello de Castellnou con o castiello de Segorb. Tamién ye protechito legalment con a suya declaración como Bien d'Intrés Cultural.
Molimentos relichiosos Ermita de Sant Antón de Padua de Castellnou, una ermita adedicata a Sant Antón de Padua. Ermita de Sant Cristofo de Castellnou, una ermita d'o sieglo XV adedicata a Sant Cristofo. Ilesia d'os Santos Reis de Castellnou, una ilesia en estilo renaixentista d'os sieglos XVII-XVIII adedicata a los Santos Reis.
Vinclos externos
Pachina web oficial municipal de Castellnou.
Referencias
Categoría:Localidaz d'a provincia de Castellón