Lo castiello de Mallo ye un castiello situau en lo termin municipal de Mosqueruela, a bels kilometros de lo nuclio urbán, en lo cabalto d'un mallo.
Descripción Ye poco lo que en queda, y mes que mes ye un chacimiento arqueolochico d'epoca andalusí. Quedan restos de los graus pa puyar ta lo castiello, graus empotraus en la roca. Lo termin d'este castiello corresponde a las partidas mosqueruelanas huei ditas La Estrella y Peñas Abajo.
Historia D'orichen andalusí, aturaba la expansión de los cristianos teruelanos ta l'este que ya heban preso Mosqueruela en 1187. Encara que lo cedió Pero II d'Aragón a Gastón de Castellot en 1202 pa compensar-lo por dar Castellot a los templers, ye facil que continase en poder de los musulmans, dica que los mesmos vecins de Mosqueruela lo prenioron en 1234. S'incorporó legalment a lo termin d'esta villa en 1333, contra los intreses de lo Concello de Villafranca, que tamién se lo quereba quedar.
Vinclos externos Ficha en o SIPCA
Categoría:Biens d'Intrés Cultural de Gúdar-Chabalambre Mallo Mallo Categoría:Islam en Aragón Categoría:Molimentos de Mosqueruela