thumb|200px|Un canonche (dreita) con un bispe. Lo canonche ye l'eclesiastico que tien una canonchía. Forma parte de lo capítol d'a seu u de lo d'una colechiata u ilesia de rango superior, y recita l'oficio publico de la Ilesia. Huei lo nombramiento de canonches correspone a lo Vaticano, que gosa deixar ixa función en capítols y bispes. En Espanya, lo Concordato bichent regula como se proveyen las canonchías. Los canonches visten con un sobrepelliz y una muzeta, de color varianta seguntes la diocesi.
En termins churidicos lo canonche ye l'asesor de lo bispe y ha d'estar graduato en dreito canonico.
Etimolochía En aragonés canonche s'escribiba en la Edat Meya calonge y provién de l'occitán canonge Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, , p.106, y este de lo griego kânon. Asinas canonche significa qui ye sosmeso a lo canon, ye dicir, a las reglas. La variant grafica con -ch- se documenta ya en un texto de 1473 (Supresión de las cuatro raciones en las Villas de Almudevar, Lanaja, Alquezar y Berbegal), alternando con calonge:
por la gracia divina Vispe de la seu de Güesca, y el dean, canonges e capítol. sean esleidas dos personas el uno canonche, el otro ciudadano.
Arnal Cavero encara documenta esta palabra en una mazada d'o semontano: u todos monches u todos canonches.
Referencias
Categoría:Cristianismo Categoría:Dreito canonico