Llessui ye un lugar de la provincia de Leida pertenexién a lo municipio de Sort. Ye situato en lo Pallars Sobirán y la suya población yera de 109 habitants en o 2005.
Toponimia Bi ha bels microtoponimos que s'explican por a fonetica de l'aragonés, mas que mas l'aragonés arcaico preliterario:
Diftongación -ua- de la O latina, diftongación que en l'actualidat se conserva en Bergotés y Aragonés de Vallivió: El Cuaso (en catalán sería el coll). Conservación de o final atona: El Cuaso, Canals de Rialbo (sería "riu alb" en catalán), Lo Pico, Campo Llongo, (sería "camp llong" en catalán) Evolución de la LL cheminata latina ta s como en ribagorzano antigo: Cuaso ("cuello" en aragonés cheneral, "cuallo" en bellas variedaz centrals debantditas).
Lo mesmo toponimo Lessui se pareix en la suya terminación a muitos toponimos ribagorzans rematatos en -ui, que tenioron formas documentals rematatas en -ué en la Edat Meya. La etimolochía podería estar relacionata con la d'Erisué (Val de Benás), que tien como nombre oficial en castellano Eresué. Gerhard Rohlfs considera a terminación -ui endicadora de propiedat, indo dezaga d'o nombre d'o propietario. N'este caso sería LETTIUS documentato en Galia. Toponimos equivalents con atro sufixo serían Lessac (Charentes), Lessay (Manche) y Lessy (Moselle).
Categoría:Localidaz d'a provincia de Leida