Le Cateau-Cambrésis (en picardo L'Catiau-Kimbrésis) ye una comuna francesa, en o districto de Cambrai, cantón de Cateau-Cambrésis, departamento de Norte y rechión d'Altos de Francia.
A suya superficie ye de 27,24 km², a suya población ye de 7.453 habitants en 1999 y a suya densidat de población ye de 274 hab/km².
Historia Le Cateau-Cambrésis ye a unión de dos vicos, Péronne y Vendelgies. Vendelgies tien una antiga fortaleza en matera, o castiello de Sainte-Marie, en un emplazamiento estratechico amanato a dos antigas calzatas romanas.
L'emperador d'o Sacro Imperio Romano Chermanico Otón III permetió a la diocesi de Cambrai reforzar as defensas d'o castiello y transformar a ciudat en una villa fortificata, y tamién a realización d'un mercato y a emisión de moneda. Asinas, o suyo nombre mutó ta Chastel en Cambrésis (por Cambrai), antecedent d'o nombre actual.
A ciudat fue conquiesta en o sieglo XV por os angleses, pero dimpués fue reconquiesta por Cambrai. Fue espullata en 1555 por os franceses, como castigo porque a ciudat heba albergato a l'emperador Carlos Quinto. En 1559 Francia y Espanya sinyoron en Cateau-Cambrésis a Paz de Cateau-Cambrésis, en as personas d'o rei d'Espanya Felipe II y d'o rei de Francia Enrique II. Seguntes as clausulas d'a Paz, Espanya cedeba a Francia bellas plazas fuertes en Flandres y os bispatos de Toul, Metz y Verdun.
En 1642, Le Cateau-Cambrésis fue ocupata por tropas francesas, y lo rei francés Loís XIII fació esvoldregar as murallas y as puertas d'a ciudat.
En 1678, Le Cateau-Cambrésis fue incorporata a Francia, seguntes o Tratado de Nimega.
En as Guerras Revolucionarias Francesas, a ciudat fue conquiesta por l'exercito austriaco en 1793, y en as Guerras Napoleonicas por l'exercito ruso en 1814.
Mientres a Primera Guerra Mundial, a ciudat habió importants destruccions, especialment en a batalla de Cateau-Cambrésis, o 28 d'agosto de 1914, entre os exercitos britanico y alemán. Esta batalla permetió a recuperación d'os Aliaus y la posterior victoria en a batalla d'o Marne.
En 1940, Le Cateau-Cambrésis fue travesata por a 7ª División Panzer d'o cheneral Erwin Rommel, dimpués de bels combaz a man d'a ciudat.
Demografía
Administración Alcaldes Lista d'alcaldes Lechislatura Nombre Partiu politico1945–1965 Marcel Éloire Parti Socialiste Français1977–1983 Roland Grimaldi Parti Socialiste Français1983–1988 Jean-Pierre Labouré Union pour la Démocratie Française1988–1989 René Ledieu Rassemblement pour la République1989–1995 Roland Grimaldi Parti Socialiste Français1995–2001 René Ledieu Rassemblement pour la République2001–2008 Serge Siméon Antigo socialista2008–2014 Serge Siméon Antigo socialista
Naixencias Adolphe Édouard Casimir Joseph Mortier, mariscal de Francia y duque de Treviso, en 1768. Henri Matisse, pintor (31 d'aviento de 1869).
Referencias
Vinclos externos Ofizina de turismo municipal. Museu Matisse. Le Cateau-Cambrésis en a web d'o Institut Géographique National.
Categoría:Localidaz de Norte (Francia)