Iste articlo tracta sobre a Selva que ye una pardina de a Fueva. Ta altros usos d'a parola Selva se veiga Selva (desambigación).
A Selva (oficialment, en castellano, La Selva) ye una pardina aragonesa d'o municipio d'a Fueva, en a comarca de Sobrarbe y provincia de Uesca. Actualment se troba despoblada. «Pueblos abandonados» en a pachina oficial de l'achuntamiendo de a Fueva; consultada o 31 d'octubre de 2010.
A Selva ye en a valleta d'o barranco de Clamosa, en as garras d'a sierra d'o Turón, en l'extremo sud d'a comarca de Sobrarbe por a man oriental d'a Cinca. No fa pas parte d'a subcomarca natural de a Fueva, sino que se confronta con l'Abizanda y Escaniella en a man cuentra d'o río, de pleno en a val d'a Cinca. Se forma d'una sola casa con as suyas bordas y palleros, deshabitada dende que s'albadonoron os lugars mas amanaus, como Clamosa, Caneto y a Penilla. O lugar despoblau de Bediello, formau por dos viviendas, se troba a bel ciento de metros por debaixo d'a Selva, y cualques cientos de metros por o camino que os comunica.
A pardina de a Selva teneba numbrosas propiedaz en a redolada, y os suyos amos declaraban en 1944 de tener 3 hectarias de propiedat Despoblados del antiguo municipio de Clamosa por Manuel Benito Moliner; consultau o 12 de noviembre de 2010. en a cuenca d'o barranco de Clamosa, a man de Bediello, a demás d'os dreitos d'expleitación en o molín d'olio de Clamosa, a'l costau d'o río Cinca y enguán cacegau baixo l'augua de l'entibo de lo Grau.
Referencias
Vinclos externos Imáchens de a Selva, en a web oficial de l'achuntamiento de a Fueva
Categoría:Despoblaus d'a provincia de Uesca Categoría:Lugars afectaus por l'entibo de lo Grau Categoría:Lugars d'a Fueva Categoría:Localidaz d'a diocesi de Balbastro-Monzón en Sobrarbe