Iste articlo tracta sobre a Corona d'Aragón. Ta atros emplegos se veiga Aragón (desambigación).
A Corona d'Aragón estió un estau desapareixiu que abracaba a lo conchunto d'hombres y territorios que estieron chusmesos a la churisdicción d'o rei d'Aragón, de 1134 a 1714. O nombre s'aplica historicament dende la unión dinastica d'os reis d'Aragón y os contes de Barcelona. Dimpués, por conquistas de nuevos territorios, ista corona encluyirba atros dominios: Reino de Mallorca, Reino de Valencia, Reino de Sicilia, Reino de Corcega, Reino de Cerdenya, Reino de Nápols, Ducau d'Atenas, Ducau de Neopatria y atros.
A numeración d'os monarcas varía, en función d'o territorio a lo que se fa referencia: asinas, Pero IV d'Aragón, ye Pero III de Barcelona.
A formación d'a Corona d'Aragón A Corona tien o suyo orichen en a unión dinastica entre o Reino d'Aragón y o condau de Barcelona, en o matrimonio entre Peironella d'Aragón y Remón Berenguer IV de Barcelona que se fació en Balbastro.
Luengas I heba muita diversidat linguistica. En cada territorio y cada sieglo as luengas yeran unas u atras (arabe, griego, basco, navarro, aragonés, catalán, occitán, corso, sardo, siciliano, napolitán, luengas d'Italia). As luengas vernaclas podeban tener bel emplego oficial u escrito, pero o latín yera a luenga que teneba mas prestichio. A nivel mas cheneral, en puestos como cancillería reyal en o sieglo XIV personaches como Bernat Metge escribiban en latín, catalán y aragonés.
En as relacions epistolars con soberans d'atros países s'emplegaban diferents luengas: L'idioma diplomatico yera o latín, y en él s'escribiba a totas as corz, en especial a las d'Anglaterra, Francia, y a las d'Italia. Con os infidels se prescinde d'o latín. O Papa recibe, a mas bella misiva en catalán. Con o rei de Francia tamién se corresponde en francés. Con os de Castiella y Portugal en aragonés, que os escribanos tienden a castellanizar a posta (una especie de castellano intencional con fuerte radiz aragonesa). L'aragonés s'emplega tamién con os monarcas de Granada y Marruecos. Con o soldán de Babilonia (O Cairo) y o rei d'Armenia se prefiere o catalán.
Veyer tamién Lista de reis d'Aragón.
Vinclos externos
*