La Orden de Sant Benedet, de San Benedit u de San Benedito yera una orden relichiosa que fundó Benedet de Nursia y que sigue la Regla de Sant Benedet dictata por él en lo sieglo VI pa l'abadía de Montecasino. Benedet de Nursia contribuyó d'una traza decisiva a la evanchelización d'Europa, por lo que lo consideran Patrono de Europa.
Actualment la Orden se troba amplament por tot lo mundo, con monesterios masculins y femenins. thumb|left|Sant Benedet de Nursia (c. 480-543), d'un detalle de lo fresco de Fra Angelico, Basilica de San Marco, Florenza (c. 1400-1455). Seguindo lo suyo eixemplo y inspiración, bel fundador d'órdens relichiosas ha basato la normativa d'os suyos monesterios en la Regla deixata por Benedet, que tien como principio fundamental Ora et labora, ye dicir, priega y treballa.
Los monesterios benedictinos los diriche siempre un superior que, dependendo de la categoría de lo monesterio, puet clamar-se prior u abat; este lo triga lo resto de la comunidat. Lo ritmo de vida benedictino tien como eixe principal l'Oficio Divín, tamién dito Liturchia de las oras, que se priega siet vegatas a lo diya, como Sant Benedet ordenó. Chunto con la intensa vida d'oración en cada monesterio, se treballa a manta en diferents actividaz manuals, agricolas, etcetera., pa que la comunidat pueda mantener-se sola.
*