miniaturadeimagen|Las Planas de Castellot Las Planas de Castellot (Las Planas de Castellote en castellano) ye un lugar de la provincia de Teruel, situato en lo municipio de Castellot. La suya población yera de 23 habitants en 1999.
Toponimia Dica 1785 se clamaba Aldeya de Las Planas. Dende 1833 ya s'escribe Las Planas de Castellote.
Cheografía Ye situato a man de lo entibo de Santolea. Lo suyo nuclio s'ha desarrollato arredol de la ilesia de Sant Marcos, de lo sieglo XVII. A man de las planas bi ha lugars d'intrés como la masía de El Huergo, las masías de Perogil u los Perogiles y L'Alconzal.
Historia Plegó a tener 476 habitants en 1875. Dende 1711 dica 1833 pertenex a lo correchimiento d'Alcanyiz. En 1834 teneba achuntamiento, estando de lo partiu chudicial de Castellot. En 1845 deixa de tener achuntamiento y s'adhibe a lo municipio de Castellot.
En los anyos 1970-1980 uns hippies de ciudat establioron una comuna en Los Perogiles, pero en la mes gran parte la deixoron a los pocos anyos, quedando-ne només una familia.
Luengas La población autoctona emplega aragonesismos, a sobén coincidents con lo catalán de Zurita u Auguaviva como batolla, cantara, corbella, cocio, dugal, esculla, estrudes, falz, poyata, samugas, simentallas, tarranclo y zoqueta. Bi ha catalanismos claros como potas, raspall.
Galería d'imáchens
Referencias Chusé Loís Carcelero. Chiqueta replega d'aragonés repuyal feita en as Planas de Castellote. Revista Ruxiada, L 4, Chulio-Agosto-Setiembre de 1990.
Categoría:Lugars de Castellot Categoría:Lugars d'a provincia de Teruel Categoría:Localidaz d'a diocesi de Teruel y Albarracín en o Mayestrato