Zoolochía (d'o griego zoon = animal y logos = estudio) ye a disciplina biolochica que s'encarga d'o estudio d'os animals.
Brancas d'a zoolochía Acarolochía, o estudio cientifico d'os acaros: caparras, etcetera. Antrozoolochía, o estudio d'a interacción entre humans y animals. Apiolochía, o estudio cientifico d'as apellas. Aracnolochía, o estudio cientifico d'os aracnidos: arainas, escurpions, etcetera. (O d'os acaros en especifico ye dito acarolochía). Criptozoolochía, a rechirata d'animals a existencia d'os cuals ye hipotetica. Entomolochía, o estudio cientifico d'os insectos. Etolochía, o estudio cientifico d'o comportamiento animal. Herpetolochía, o estudio cientifico de reptils y anfibios. Ictiolochía, o estudio cientifico d'os peixes. Mamalochía (tamién mastolochía u teriolochía), o estudio d'os mamiferos. Mirmecolochía, o estudio cientifico d'as fornicas. Neuroetolochía, o estudio d'os mecanismos neuronals d'o comportamiento natural. Ornitolochía, o estudio cientifico d'os paixaros. Paleozoolochía, o estudio paleontolochico d'os fósils y restos d'animals. Primatolochía, o estudio cientifico d'os primates no humans. Zetolochía, o estudio cientifico d'os cetacios: ballenas, delfins, etcetera.
Zoologos destacaus Categoría principal: Zoologos.
Dentre os zoologos mas famosos y importants cal destacar: Aristótil, considerau o pai d'a zoolochía entre atras ciencias. Carl von Linné (1707-1778), pai d'a taxonomía y la nomenclatura binomial. Georges-Louis Leclerc de Buffon (1707-1788), naturalista y autor de Histoire naturelle, enciclopedia considerada como una d'as interpresas cientificas mas importants que incluye tot lo saber d'a epoca, concernient a las ciencias naturals. L'atención que Georges Louis Leclerc concede a l'anatomía interna lo ubica entre los precursores de l'anatomía comparada. Jean-Baptiste Lamarck (1744-1829), pai d'a zoolochía d'invertebraus y un d'os fundadors d'o pensamiento evolutivo. Johan Christian Fabricius (7 de chinero de 1745-3 de marzo de 1808), entomologo y d'os primers en seguir lo sistema de clasificación de Linneo. William Kirby (1759-1850), Considerau o pai d'a entomolochía moderna, con a publicación d'a suya obra Introduction to Entomology, de conchuntas con William Spence. Charles Darwin (1809-1882), Teoría d'a evolución y publicación de On the Origin of Species. Alfred Russel Wallace (1823-1913), conoixiu per haber proposau una teoría d'evolución a traviés d'a selección natural independient d'a de Charles Darwin que motivó a este a publicar la suya propia teoría. Jacques-Yves Cousteau (1910-1997), divulgador cientifico y biologo marino, activista contra la contaminación d'o meyo marino y inventor, chunto a Émile Gagnan, d'o sistema de buceo autonomo. Félix Rodríguez de la Fuente (1928-1980), divulgador naturalista que con os suyos documentals aconsiguió un cambio de mentalidat en os espanyols y muitos países de fabla castellana en relación con a naturaleza. Destacó en a etolochía, a esfensa d'o lobo iberico, a preservación d'o meyo natural y contra la contaminación d'a naturaleza. Jane Goodall, (naixida en 1934), etologa y primatologa considerada pionera en o estudio d'os chimpancés salvaches y conoixida per lo suyo estudio de mas de sixanta anyos de duración sobre las interaccions socials y familiars d'os chimpancés salvaches en o parque nacional Gombe Stream, en Tanzania.
Vinclos externos
Libros de Zoolochía a o proyecto Gutenberg.