Isún de Basa ye un lugar aragonés d'a provincia de Uesca situato en o municipio de Samianigo, en a comarca de l'Alto Galligo.
Cheografía Isún como indica o suyo apellito se troba en a Vallibasa, a 950 metros d'altaria, a los piez d'o mont Santa Orosia.
Historia Teneba 5 fuegos a la fin d'o sieglo XV, 4 vecins y 23 habitants a meyatos d'o sieglo XIX, y 28 habitants en 2008.
Molimentos Destaca la suya ilesia mozarabe, adedicada a l'Asumpción de Nuestra Sinyora. Ye la Ilesia de l'Asumpción de Nuestra Sinyora d'Isún de Basa, en estilo romanico, que ye la ilesia parroquial d'o lugar. Parroquias del Arciprestazgo de Sabiñánigo en o sitio web d'a Diocesi de Chaca. Ye un edificio construyiu en piedra en lo suyo abside, piedra picada en o cuerpo prencipal y mampostería con piedra picada en las esquinas suyas, con nomás que una sola nau y con una torre adosada d'o sieglo XV, encara que l'a nau principal ye d'a segunda metar d'o sieglo XI. Iglesia de Santa María de Isún en o sitio web d'o Sistema de Información del Patrimonio Cultural Aragonés. Bellas partes d'a ilesia se destruyioron mientres la Guerra Civil espanyola y han estau reconstruyidas dimpués, como la vuelta que cubriba lo suyo abside. Se conserva tamién la suya torre adosada. L'abside parixe pertenecer a un mayestro segundario que tamién treballo en a ilesia de Santa María de Gavín, en l'amanau lugar de Gavín.
Anque a mayor parti d'as suyas casas son en ruinas, bi ha elementos caracteristicos de l'arquitectura popular en casa Periel, casa Juan Domingo u casa Piquero.
Referencias
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo