O Ducau de Neopatria estió un territorio historico situau en Grecia, en a rechión de Tesalia. Administrativament yera dividiu en as capitanías de Siderocastron, Neopatria y Salona. O ducau teneba seu en Neopatria.
Fue conquiesto en l'anyo 1319 por o infant aragonés Alifonso-Frederico de Sicilia con tropas almogávars y feito ducau en unión con o d'Atenas. A ciudat de Neopatria la pobloron aragoneses pero poquet a poquet fue decayendo. Part d'os territorios d'o ducau en Tesalia fuoron conquiestas por os serbios en 1337 con Esteban Dušan. Dimpués d'o gubierno de Rocher de Lauria (1362-1370) as enrestidas de l'Imperio Bizantín fuoron disminuindo progresivament o suyo territorio, dica que o ducau fue redueito nomás a la ciudat.
En 1377 o rei Pero lo Cerimonioso prenió lo títol ducal pero en 1390 tot o ducau cayó en mans d'os florentins. O títol de duque de Neopatria se mantenió nominalment ta os reis aragoneses y os suyos succesors dica la fin d'o reinau de Carlos II d'Aragón.
Lista de Duques de Neopatria 220px|left|thumb|Ducau de Neopatria 1319-1338: Alifonso-Frederico d'Aragón, sinyor de Negropont, fillo natural de Frederico II de Sicilia. 1338-1348: Chuan de Sicilia, marqués de Randazzo, fillo d'o rei Frederico II. 1348-1355: Frederico I d'Atenas, marqués de Randazzo, fillo de l'anterior. 1355-1377: Frederico III, rei de Sicilia, primo de l'anterior. 1375-1380: Loís-Frederico d'Aragón, conte de Salona y vicario de l'anterior. 1377-1381: María de Sicilia, reina de Sicilia, filla de Frederico III. 1381-1390: Pero IV d'Aragón, rei d'Aragón. tenió diferents vicarios mientres o suyo reino Mateu de Montcada Rocher de Lauria. Mateu de Peralta. Loís Frederico d'Aragón. Dalmau IV, vizconte de Rocabertí. Bernal de Cordella.
Se veiga tamién Ducau d'Atenas.
Neopatria Categoría:Historia de Grecia Neopatria