Grasa ye un lugar aragonés d'a provincia de Uesca situato en o municipio de Samianigo, en a comarca de l'Alto Galligo y provincia de Uesca. Fa parte d'a clamata Guarguera.
A suya población ye de 3 habitants (2016).
Cheografía Grasa se troba a 902 metro d'altaria sobre o livel d'a mar, en a marguin ezquierda d'a Guarga, a piet d'a sierra de Belarra, y ye dividita en dos vicos uno a l'este y atro a l'ueste, estando a ilesia parroquial situata sobre un tozal a l'ueste d'o lugar.
Demografía Teneba 3 fuegos a la fin d'o sieglo XV y 7 vecins y 43 habitants a meyatos d'o sieglo XIX.
Molimentos A Ilesia de Sant Bertolomeu de Grasa, una ilesia d'o sieglo XVIII adedicada a Sant Bertolomeu, que ye la ilesia parroquial d'o lugar. Parroquias del Arciprestazgo de Sabiñánigo en o sitio web d'a Diocesi de Chaca. Ye un edificio en mampostería y piedra picada en as suyas esquinas, con nomás que una sola nau cubierta con vuelta en lunetos y con una cabecera cubierta con vuelta de canyón; bi hai tamién una capiella lateral tamién cubierta con vuelta de canyón y se bi dentra a traviés d'un atrio que se troba en o piso baixo d'a suya torre adosada que tien tres pisos d'altaria. Iglesia de San Bartolomé de Grasa en o sitio web d'o Sistema de Información del Patrimonio Cultural Aragonés.
Destaca en l'arquitectura popular casa Otín (fin d'o sieglo XVII) con a suya puerta conopial y una d'as suyas finestras. Entre as bordas son interesants las de casa Castán y casa López.
Referencias
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo