Sallent de Galligo (en castellano Sallent de Gállego), tradicionalment Sallent, ye una villa y municipio aragonés situato en a capecera d'a Val de Tena (comarca de l'Alto Galligo y provincia de Uesca) chunto a l'entibo de Lanuza, baixo a Penya Foratata. Iste municipio muga con Francia en o Portalet.

Posata en o cobalto d'a Val de Tena, a 1.305 m., baixo la Penya Foratata, ye la capeza d'a albala municipal, que incluye a los lugars de Fornigal, Lanuza y Portalet y as Entidaz Locals Menors de Tramacastiella, Sandiniés y Escarriella.

Toponimia Sallent ye un toponimo recurrent en a toponimia aragonesa y catalana.

Existiba fa sieglos o nombre ya extinto de Sallande, que (como en atros casos de l'aragonés central) sonoriza as oclusivas xordas dezaga d'un soniu nasal, como en puande (puent), blango (blanco) u cambo (campo)

En a microtoponimia de Sallent bi ma muitos casos de -ch- en cuenta de -ll- que indican una fase lingüistica con presencia de sonitos cacuminals comparables a la che vaqueira, sobretot en o sufixo -iello, que se presenta como -iecho, -iacha, etcetera. O toponimo troniecho ye interesant tamién porque Alvin Kuhn lo relaciona con o latín THRONUS d'o catalán trona ("predicadera") y o castellano trono ("trono").

Clima A suya temperatura anyal ye 8.21 °C, con una temperatura meya en chinero de 0.98 °C y en chulio de 17.09 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).

Historia Citata por primera vegata en 1279, Sallent, con 66 fuegos en 1488, yera en a Edat Meya a población mes gran d'a Val de Tena, anque os suyos repuis proceden de muito enta zaga como lo contrimuestran bels remenches megaliticos trobatos en comarcas amanatas.

A o largo d'a suya historia Sallent ha dato a o Reino d'Aragón ilustres personaches como Chuan de Lanuza, chusticia d'Aragón asinas como atros nueu chusticias, siet virreis, doctors, catredaticos, canonches, deputaus d'o Reino aragonés, chefes militars y personaches como Fermín Arrudi (o Chigant Aragonés), en epoca mas recient.

Molimentos Ilesia gotica de Nuestra Sinyora de l'Asumpción y retablo mayor (sieglo XVI). Construita a expensas de Chuan de Lanuza, Chusticia d'Aragón y Virrei de Valencia, Catalunya y Sicilia, estió lo suyo artifice Chuan de Segura autor asinas mesmo d'a seu de Balbastro y d'a Colechiata d'Alquezra, en o que sobresale o suyo polito retablo mayor d' estilo gotico plateresco, obra de Chuan de Moreto, Pietro Lasaosa y Miguel de Peñaranda. Consta de 16 tablas, con cuantas tallas muito valiosas y pinturas sinyatas por Martín García. A ilesia ye protechita legalment dende 2001 con a suya declaración como Bien d'Intrés Cultural. Declaración d'a ilesia de Nuestra Sinyora de l'Asunción de Sallent de Galligo como Bien d'Intrés Cultural en o BOA. Ye l'actual ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca. Puent Medieval (sieglo XVI). En a Plaza mayor podemos alufrar o triple arco romanico y en tot o conchunto almirar as suyas politas casas solariegas adornatas con escudos, puertas, balcons, finestras..... asina como posar-nos en o Mentidero, curioso puesto d'arroclada d'os lugarencos, a alufrar a polita envista d'a nuestra comarca.

Demografía

Administración Reparto de concellers Eleccions municipalsArchivo electoral Partiu 1979 1983 1987 1991 1995 1999 2003 2007 2011 2015 2019 Partido Popular - 4 5 5 2 3 1 4 3 4 5 Partido Aragonés - - - 0 1 2 1 1 2 3 2 Partido de los Socialistas de Aragón 4 2 2 2 4 4 5 3 3 1 2 Chunta Aragonesista - - - - - - 0 1 1 1 - Independients - 1 - - - - 2 - - - - Unión de Centro Democrático 5 - - - - - - - - - - Total 9 7 7 7 7 9 9 9 9 9 9

Alcaldes Lista d'alcaldes Lechislatura Nombre Partiu politico1979–1982 Eugenio Antonio Pérez Urieta Treinta aniversario de las primeras elecciones municipales de la democracia. Unión de Centro Democrático1982–1983 Antonio Sancho García Unión de Centro Democrático1983–1987 Sancho Garcia, Antonio AP/PDP/UL1987–1991 Sancho Garcia, Antonio AP1991–1995 Eduardo Guillen Guillen PP1995–1999 José Luis Sánchez Sáez Partido de los Socialistas de Aragón1999–2003 José Luis Sánchez Sáez Partido de los Socialistas de Aragón2003–2007 José Luis Sánchez Sáez Partido de los Socialistas de Aragón2007–2011 José Ignacio Urieta Partido Popular2011–2015 Jesús Eugenio Gericó Urieta Partido Popular2015–2019 Jesús Eugenio Gericó Urieta Partido Popular2019–2023 2023–2027 Jesus Eugenio Gerico Urieta Consulta el listado de alcaldes que han sido proclamados en Aragón en Heraldo de Aragón PP

Personalidaz naixitas de Sallent de Galligo Categoría principal: Naixitos de Sallent de Galligo.

Fiestas, Cultura y espectaclos Virchen d'as Nieus (5 d'agosto) L'Aponderación d'a Santa Cruz (14 y 15 de setiembre) Festival Pireneus Sur (2º quincena de chulio), festival de musica que se celebra en Lanuza Premio de Relatos "Luis del Val" (anyal, ta obras en aragonés y castellano)

Vinclos externos

Sallent de Galligo.

Referencias

*