O Parque Faunistico de Lacuniacha ye un parque faunistico que se troba en o termin municipal de Piedrafita de Tena (Biescas) en l'Alto Galligo, en as garras d'a sierra d'a Partacua y de Penya Telera. Tien una superficie de 30 hectarias y ye situato a 2 km d'o nuclio de Piedrafita.
Fauna Os animals que se pueden trobar en o parque en semilibertat son: sarrios (Rupicapra rupicapra), crabas montesinas (Capra pyrenaica hispanica), bisonts europeus (Bison bonasus), caballos de Przewalski (Equus caballus przewalskii), cervals (Lynx lynx), lupos (Canis lupus), ciervos (Cervus elaphus), gamos (Dama dama), renos (Rangifer tarandus) y cuerzos (Capreolus capreolus).
Flora As especies vechetals que bi ha en o parque incluyen felces (Pteridophyta, "jeus" localment en tensino), buixos (Buxus spp.), pins royos (Pinus sylvestris), buixarders u cerolleras bordes (Sorbus aucuparia), salces blancos (Salix caprea), abetoches (Betula spp.), urmo pelons (Ulmus glabra), sabucos (Sambucus nigra), cireseras montesinas (Prunus padus), tremoletas (Populus tremula), manzaneras bordes (Malus sylvestris), fráixins (Fraxinus spp.), artos blancos (Crataegus monogyna), cereseras (Prunus avium plena), chinebros (Juniperus communis), abez (Abies alba), cardoneras (Ilex aquifolium), gabarderas (Rosa canina), robres (Quercus spp.), faus comuns (Fagus sylvatica) y estefas (Daphne laureola).
Historia Fue inaugurato en l'anyo 2001 y lo recorrito total d'os suyos camins ye de cinco kilometros con un deslivel de 180 metros, en os que bi ha cuantas mesas d'interpretación d'os picos y cordeleras d'a redolada y un punto d'observación ornitolochica.
Toponimia O toponimo Lacuniacha ye a saber-lo s'intresant. Indica que enantes i heba una lacuna y que desapareixió por colmatación natural. A terminación -iacha ye como se pronunciaba o sufixo -iella en aragonés arcaico d'a val de Tena y redolada fa uns sieglos.
Apareixe en un documento notarial de Sallent de Galligo en l'anyo 1426 Para un corpus de toponimia tensina, I: registros en protocolos de un notario de Sallent durante los años 1424-1428, 1431, 1443 y 1450. Jesús Vázquez Obrador:
Referencias
Vinclos externos Pachina oficial
Categoría:Alto Galligo Categoría:Espacios naturals d'Aragón Categoría:Economía d'Aragón