La Rioja ye una comunidat autonoma d'o norte d'Espanya, uniprovincial, sin de costa, trescruzada por o río Ebro y o río Glera. Muga con o País Basco y Navarra a lo norte, con Aragón a l'este, y con Castiella y Leyón a lo sud. Dica o 9 de chunio de 1982, cuan s'aprobó o suyo estatuto d'autonomía, feba parte d'a dita Castiella la Viella, y alavez se'n deciba oficialment provincia de Logroño.

A suya población ye de 322.955 habitants (2011) en una superficie de 5.045 km², con una densidat de población de 64,01 hab/km².

Administrativament, La Rioja se divide en 11 comarcas, con 174 municipios. A suya capital se troba en a ciudat de Logronyo, a on se troba a seu d'as suyas institucions politicas, estando l'actual president de la Rioja Gonzalo Capellán de Miguel, d'o Partido Popular de La Rioja.

Son famosos os suyos vins tintos, ditos riojas.

A patrona d'a comunidat ye la Virchen de Val Vanera.

Prencipals localidaz

Logronyo — 152.650 habitants. Calagorra — 24.876. Arnedo — 14.425. Haro — 11.960. Alfaro — 9.813. Nachera — 8.404. Lardero — 8.118. Santo Domingo de la Calzada — 6.737. Villamediana de Iregua - 6.723.

Toponimia Ye un toponimo difícil de descifrar y bi ha bellas y diferents teorías que preban d'explicar-lo. En primeras se referiba a una zona restrinchida de l'actual comunidat autonoma. En navarro-aragonés medieval estió o toponimo Rioia u Rioga, con o fonema postalveolar africato xordo escrito como i u como g, como veyemos en un texto en latín de 1133 referent a las mugas d'os dominios d'Alifonso lo Batallero:

En castellano a evolución d'a g medieval estió x en o sieglo XVI y dimpués j velar actual en o sieglo XVII. Por lo menos dende a creyación d'a provincia dita de La Rioja (a vegatas tamién escrita de La Riocha) se cheneralizó o nombre a tot o territorio actual.

Demografía + Evolución demografica de la Rioja (Espanya), durant o sieglo XX. Fuent Instituto Nacional de Estadística d'Espanya. División menor: 5.000 habitants.

Galería

Veyer tamién Lista de municipios de la Rioja.

Vinclos externos

Pachina web oficial de la Rioja.

Referencias

*