Iste articlo tracta sobre o berro (Nasturtium officinale). Ta o cochín masclo, se veiga verro.
O berro u berraza (), tamién dito chocainaCon a variant chucaina., ye una planta d'a familia d'as Brasicaceae. Ye anyal, perén y forma colonias en fuents, galochas y terrenos embadinatos.
Se distribuye por Eurasia, se mincha como ensalata y se puet cautivar.
Sinonimos Rorippa nasturtium-aquaticum Nasturtium officinale Ait. f. Nasturtium officinale var. siifolium (Reichenb.) W. D. J. Koch Sisymbrium nasturtium-aquaticum L.
Propiedaz Ye rico en yodo, fierro y vitaminas C y E. S'emplega como estimulant y diuretico. En medecina popular s'emplega contra a bronquitis y malautías cutanias.
Fitonimia O fitonimo berro se considera prerromano y talment celta, relacionau con a radiz bẹrŭro. En latín se deciba NASTURTIUM porque a olor yera picanta y feba que o naso se torcese a l'inte de goler a mata. De NASTURTIUM vien a denominación en castellano de mastuerzo, que coexiste con berro. En catalán se diz créixens u morritort d'aigua y se relaciona con fitonimos que Rafael Vidaller Tricas replega en comarcas catalanoparlants d'Aragón u que i mugan como grixa u grixoCon a variant greixo. y grixola d'aigua u grixolera d'aigua. A palabra berro plega tan ta l'este como ta Turbón.
Bi ha bels toponimos entre Teruel y Salamanca basaus en o berro como Fuente del Berro en castellano y Fuent del Berro'' en aragonés.
Imáchens
Notas
Referencias
Vinclos externos
Officinale