Fuent de Todos (Fuendetodos en castellano y oficialment) ye un municipio aragonés d'a provincia de Zaragoza, situato en a comarca de Campo de Belchit.
A suya población ye de 180 habitants (2011), en una superficie de 62,20 km², con una densidat de población de 2,89 hab/km².
En iste lugar naixió o 30 de marzo de 1746 o pintor aragonés Francisco de Goya. Encara se conserva la casa an naixió. Tamién bi ha un Museu d'o Gravau adedicato a la suya recordanza.
Toponimia Remón Berenguer IV menciona Fonte de Tosos en 1142 cuan atorga fuero a Daroca:
Cualques autors interpretan que podría estar o que ye huei a Fuente Vieja de Fuent de Todos. Pa atros autors Fonte de Tosos ye simplament l'actual Tosos, que efectivament mugaba con o termin de Daroca y dimpués la Comunidat de Daroca, y no correspondería con a localidat natal de Goya.
En latín medieval se puet veyer escrito Fuent de Todos, por eixemplo en Rationes decimarum Hispaniae (1279-80): José Rius Serra:Rationes decimarum Hispaniae (1279-80): Aragón y Navarra. CSIF 1946.
En aragonés medieval s'escribe cuasi siempre Fuent de Todos; en castellano d'Aragón se diz Fuente-Todos en toz os lugars de la comarca (Campo de Carinyena, Campo de Belchit y Baixo Martín).
Si no ye seguro que Fuent de Todos provenise d'un anterior Fuent de Tosos, tampoco no ye seguro que Fuent de Todos se relacione orichinariament con l'adchectivo indefiniu aragonés tot, encara que o fenomeno d'etimolochía popular ha puesto influir-ie. Tampoco no bi ha información sobre si ha existiu a forma con plural aragonés Fuent de Toz antes de documentar-se Fuent de Todos. En a comarca de l'Alto Millars bi ha una fuent dita Fuente de Todo. En a Edat Meya han existiu os antroponimos Tob y Toda en buena part d'a Peninsula Iberica.
En a microtoponimia trobamos muitos aragonesismos, destacando "foz" y "focino": Foz de Zafrané, Foz Mayor, Focino de Val de Vicent, cabeza cascán, etc...
Cheografía A localidat de Fuent de Todos ye situada a 780 metros d'altaria dencima d'o livel d'a mar, a una distancia de 44 km d'a ciudat de Zaragoza, a capital d'a suya provincia y d'Aragón.
Bi ha contacto entre materials terciarios y materials mesozoicos y a l'igual que en os altos d'Exaulín se puet veyer a superficie d'erosión fundamental d'a Cordelera Iberica afectando a los materials mesozoicos María Asunción Soriano: Superficies de erosión finiterciarias desarrolladas al S y SW de Zaragoza. Acta geológica hispánica, ISSN 0567-7505, Vol. 23, Nº 1, 1988, pp 39-46. y enlazando topograficament con os zaguers estratos horizontals d'o terciario.
En bel punto os materials mesozoicos son erosionaus por antigos afluyents d'a "Paleouerba" creyando os "focinos", que destacan por a suya vechetación especial con acirons y litoners y diferent d'a comarca por o suyo microclima.
Demografía
Administración Reparto de concellers Eleccions municipalsDatos Eleccions MIRhttps://web.archive.org/web/20110105133451/http://portal.aragob.es/archelec/index.jsp Partiu 1979 1983 1987 1991 1995 1999 2003 2007 2011 2015 Compromiso con Aragón - - - - - - - - - 3 Partido de los Socialistas de Aragón - 4 5 5 3 4 4 5 5 2 Partido Popular - - - 1 2 0 1 0 0 0 Partido Aragonés 2 1 - 4 0 1 0 0 0 0 Centro Democrático y Social - 0 1 - - - - - - - Unión de Centro Democrático 3 - - - - - - - - - Total 5 5 6 9 5 5 5 5 5 5
Alcaldes Lista d'alcaldes Lechislatura Nombre Partiu politico1979–1983Martín Gracia Abad PAR1983–1987 1987–1991 1991–1995 1995–1999 1999–2003 2003–2007 2007–2011 Joaquín Gimeno Salueña Partido de los Socialistas de Aragón2011–2015 Joaquín Gimeno Salueña Partido de los Socialistas de Aragón2015–2019 Enrique Salueña Mateo Compromiso con Aragón2019–2023Enrique Salueña MateoCs2023–2027 Enrique Salueña Mateo Consulta el listado de alcaldes que han sido proclamados en Aragón en Heraldo de Aragón CS-TÚ ARAGÓN
Personalidaz naixitas de Fuent de Todos Categoría principal: Naixitos de Fuent de Todos. Francisco de Goya.
Puestos d'intrés Casa natal de Francisco de Goya, que actualment ye a seu d'o Museu d'o Gravato. Ye un edificio d'o sieglo XVIII. Ilesia de Nuestra Sinyora de l'Asumpción de Fuent de Todos, una ilesia d'o sieglo XVIII adedicata a l'Asumpción de Nuestra Sinyora. Restas d'o castiello.
Vinclos externos
Pachina web oficial municipal de Fuent de Todos.
Referencias
*