A Gran Muralla Chinesa u Gran Muralla China (en chinés 长城, pinyin Chángchéng), conoixita en China como a Gran Muralla de 10.000 Li, ye un antigo conchunto de fortificacions y murallas de piedra y tierra construyitas ta protecher a China d'os ataques d'as tribus mongolas y turcas. Prencipió a construyir-se en o sieglo III aC, encara que as fortificacions que se veyen actualment son as que fuoron construyitas entre o sieglo XIV y o prencipio d'o sieglo XVI, mientres a dinastía Ming.
A Gran Muralla China ye a construcción feita por l'hombre de dimensions mas grans, no nomás respective d'a suya longaria (plega a tener de 6.400 dica 7.300 km de longaria) sino que tamién respective d'a suya masa, estando a sola construcción humana que ye vesible dende l'espacio exterior seguntes gosa decir-se, encara que en realidat garra construcción humana puet veyer-se a simpla vista dende l'espacio.
Antiparte, estió un prochecto de gran envergadura, que fació que i treballasen un alto numero de treballadors mientres os sieglos que duró a suya construcción, calculando-se que en morioron 2 u 3 milions de personas en o proceso.
En 1987, a UNESCO declaró a Gran Muralla China como Patrimonio d'a Humanidat.
Galeria d'imáchens
Bibliografía
Daniel Schwartz i Luo Zhewen, The Great Wall of China, Thames and Hudson, Londres, 1990. . Arthur Waldron, The Great Wall of China: From History to Myth, Cambridge University Press, 1992. ISBN |0-521-42707-X. Lovell, Julia. The Great Wall: China against the World. 1000 BC - 2000 AD. London: Atlantic Books; Sydney, Australia: Picador, 2006. . Michel Jan (texto), Roland et Sabrina Michaud (imáchens), La Grande Muraille de Chine, Imprimerie Nationale, 2000. . Michel Jan, La Grande Muraille de Chine (edició de bolsillo), Petite Bibliothèque Payot, 2003. . Stephen Turnbull, The Great Wall of China: 221 BC-AD 1644, Osprey Publishing, 2007. .
Vinclos externos
International Friends of the Great Wall.
Categoría:Patrimonio d'a Humanidat en China Categoría:Murallas Categoría:China