Rotterdam ye una ciudat neerlandesa en a provincia d'Holanda d'o Sud (u Holanda Meridional), de la que ye a suya capital.
Rotterdam tien una superficie de 304,24 km², una población de 582.827 habitants (2006) y una densidat de población de 1.915,68 abs/km². Situata a una distancia de 30 km d'a Mar d'o Norte y comunicata con a mar por o río Rin, o suyo puerto, clamato Europoort, ye o mayor puerto d'Europa y o segundo d'o mundo dimpués d'o puerto de Singapur.
Historia A ciudat s'establió en o sieglo XII, en a marguin d'o río Root (ista ye a etimolochía d'o nombre d'a ciudat). En 1340 obtenió estatuto de ciudat.
En o sieglo XVII, periodo d'hechemonía comercial neerlandesa, Rotterdam yera o centro d'o comercio mundial, profitando d'o trafico comercial ta a colonia neerlandesa d'as Indias Orientals Neerlandesas. Asinas, a ciudat amplió as suyas instalacions portuarias.
Mientres a Segunda Guerra Mundial, a Luftwaffe d'o Tercer Reich bombardeyó a ciudat o 14 de mayo de 1940, en a Campanya de Francia. En o bombardeyo de Rotterdam morioron 1.000 personas, y o bombardeyo destruyió 25.000 viviendas y tot o centro historico. O Gubierno neerlandés se rindió, ta evitar bombardeyos a d'atras ciudaz.
En a postguerra, s'esvielló a ciudat, destruita por os bombadeyos, y Rotterdam se convertió en un laboratorio d'as novedaz en l'Arquitectura.
Ciudaz achirmanadas 1958: 22px Colonia (Alemanya). 1958: 22px Esch-sur-Alzette (Luxemburgo). 1958: 22px Lille (Francia). 1958: 22px Torino (Italia). 1958: 22px Lidje (Belchica). 1976: 22px Burgas (Bulgaria). 1976: 22px Constanţa (Rumanía). 1977: 22px Gdańsk (Polonia). 1979: 22px Shanghai (China). 1983: 22px L'Habana (Cuba). 1984: 22px Sant Petersburgo (Rusia). 1985: 22px Baltimore (Maryland, Estaus Unius). 1988: 22px Dresde (Alemanya). 1990: 22px Buenos Aires (Archentina). 2005: 22px Istambul (Turquía). 22px Casablanca (Marruecos).
Se veiga tamién Bombardeyo de Rotterdam.
Vinclos externos
Pachina web municipal.
Categoría:Localidaz d'Holanda Meridional Categoría:Localidaz portuarias d'os Países Baixos