Esta pachina fabla sobre Sant Sabastián mártir, mártir cristiano d'o sieglo III. T'altros emplegos se veiga Sant Sabastián (desambigación).
Sant Sabastián ye un mártir cristiano. Ye naixito de Narbona (Lenguadoc) en l'anyo 256, pero s'educó en Milán. Estió soldato de l'exercito romano y de l'emperador Dioclecián, qui desconoixeba que yera cristiano dica lo nombró chefe d'a primera cohort d'a guardia pretoriana imperial.
Cumpliba con a disciplina militar, pero no participaba en los sacrificios propios d'a relichión politeísta romana. A mes, como tipico cristiano yera insistent fendo proselitismo entre los suyos companyers. Visitaba y animaba a los cristianos encarcelatos. A la fin l'emperador Maximín en tenió conoixencia por una denuncia y lo forzó a trigar entre estar o suyo soldato u seguir a Chesucristo.
Lo santo esleyó estar cristiano, y l'emperador, lo amenazó de muerte. Sant Sabastián se mantenió firme en a suya fe. Maximín lo condenó a morir asayeteyato.
Lugars d'Aragón on se celebra Sant Sabastián Abai. A Buerda Aineto. l'Aínsa Ainzón. Alcalá de Moncayo. Alcorisa. Alforc. Ambel. Anadón. Araguás. Barrachina. Bernués. Castellón de Val de Chasa, coincidindo con Chasa. Castelserás. Chasa. Escarriella. Fuents Calients. Gallocanta. Igriés L'Ainsa. L'Almunia de Donya Godina. Lidón. Linars de Broto. Litago Longars (Campo de Carinyena) Longars (Cinco Villas). Mallén. Mara. Morillo de Galligo Nuévalos. Orés. Orrios. Oto. Pradiella d'Ebro. La Pobla d'Albortón. Pedrola. Sant Mateu de Galligo. Santa Llestra y Sant Quílez Senés d'Alcubierre. Tagüenca. Torralba de Ribota. Yesero. Villarreyal d'a Canal.
Lugars d'Aragón on ye patrón Ainzón. Alcorisa. La Corbilla. Orés.
Ilesias dedicatas a Sant Sabastián en Aragón Ilesia de Sant Sabastián d'Alcorisa.
*