L'abkhasio u abkhasián ye una luenga nortcaucasica parlada en Cheorchia y Turquía.
Filiación L'abkhasio ye clasificau como una luenga d'o grupo occidental d'as luengas nortcaucasicas.
Bels lingüistas a ormino consideran l'abkhasio y l'abasinio una sola luenga, l'abkhasio-abasinio, estando-ne as formas mas diferenciadas as variedaz literarias de cadaguna. Gramaticalment, as dos son bien pareixidas; manimenos, as diferencias fonolochicas son considerables, o que fa que muitos lingüistas s'estimen mas una clasificación deseparada.
Estructura d'a luenga Grafía Dende 1862, a luenga abkhasia usa la suya adaptación propia de l'alfabeto cerilico, l'alfabeto abkhasio, anque en bels intes d'o sieglo XX s'emplegoron l'alfabeto latino y o cheorchiano.
Aspectos socioculturals Situación social Alto u baixo 100.000 personas charran a luenga abkhasia en Cheorchia, d'as cuals 80.000 se troban en a Republica Autonoma d'Abkhasia; unas 5.000 personas mas la parlan a lo nord-este de Turquía. L'abkhasio ye oficial en a Republica Autonoma d'Abkhasia (Cheorchia), chunto con o cheorchiano.
Literatura Os primers textos en luenga abkhasia d'os cuals se tiene constancia son escritos en l'alfabeto arabe, estando-ne l'autor o viachero turco Evliya Celebi en o sieglo XVII. L'abkhasio solo que s'ha feito servir como idioma literario en os zaguers 100 anyos. En o tiempo d'a Unión Sovietica de Stalin, a literatura en luenga abkhasia yera vedada.
Vinclos externos Articlo d'a luenga abkhasia en o Ethnologue. L'abkhasio en o Language Museum (Museu d'as Luengas).
Categoría:Luengas caucasicas Categoría:Luengas d'Abkhasia Categoría:Luengas de Cheorchia Categoría:Luengas de Turquía