Pompenillo ye un lugar aragonés d'a comarca d'a Plana de Uesca y provincia de Uesca, perteneixient a lo municipio de Monflorite-As Casas.
A suya población ye de 20 habitants (2009).
Cheografía O lugar de Pompenillo se troba situato a 424 metros d'altaria sobre o livel d'a mar, a una distancia de 6 km d'a ciudat de Uesca, a capital d'a suya comarca y d'a suya provincia.
Etimolochía Pompenillo ye un diminutivo de Pompién ta destinguir-los, y a suya etimolochía seguntes Manuel Benito Moliner ye una derivación d'o nombre latín Pompeius, ye fácil que o nombre d'o primer propietario d'o lugar. Benito Moliner, Manuel: Pueblos del Alto Aragón: el origen de sus nombres, VIII: P-S.
Toponimia Entre os microtoponimos podemos destacar que en o sieglo XVII en o termin de Pompenillo se documentan os toponimos Torraça ("Torraza" en ortografía actual), Tormos, Buega del Molino, Valpanosa, Tollantes, La Paúl, Sendero de Molinos, La Coroneta y Correlar.
Historia Seguntes Agustín Ubieto Arteta, a primer cita d'o lugar estió en o sieglo XIII, seguntes a obra d'Antonio Durán Gudiol Geografía medieval de los obispados de Jaca y Huesca (Uesca, 1962) y documenta as variants de Pompinillo, Ponpien, Pompien blancho y Pompien Blanquo. No confundir con o lugar de Pompién (Castiello Pompién), tamién en Monflorite-As Casas ni con o despoblato de Pompién d'o Rei, en o Semontano de Balbastro. Ubieto Arteta, Agustín: Toponimia aragonesa medieval, Valencia, 1972.
Demografía
Referencias
Categoría:Lugars de Monflorite-As Casas Categoría:Localidaz d'a diocesi de Uesca en a Plana de Uesca