Juliana Larena y Fenollé, naixita d'Exeya d'os Caballers (Cinco Villas) o 16 de febrero de 1790 y muerta en Zaragoza en 1835, estió una d'as defensoras d'a ciudat de Zaragoza en os Seches de Zaragoza mientres a Guerra d'o Francés, contra l'Exercito francés de Napoleón I.
Os Seches de Zaragoza En suya choventut marchó ta Zaragoza, a on bi yera cuan l'Exercito francés d'o mariscal de Francia Bon Adrien Jeannot de Moncey plegó ta os muros d'a ciudat, en chunio de 1808 y bi habió o Primer Seche de Zaragoza. En iste primer seche, Juliana Larena Fenollé estió enfermera en a primera linia de batalla.
En o Segundo Seche de Zaragoza, Juliana Larena Fenollé tamién partecipó en as luitas en o reducto d'o Pilar.
Dimpués d'os Seches O cheneral José de Palafox y Melci li concedió en 1814 una paga de cuatre rials diarios, destinción que fue aprobata por o rei Ferrando VII d'Espanya.
Dimpués tornó ta Exeya d'os Caballers, y bi casó con un militar andaluz, Juan Toral, o 10 de mayo de 1819.
Arredol de 1822 tornó ta Zaragoza, a on morió victima d'o colera en 1835.
Homenaches En 1908, en o centenario d'os Seches de Zaragoza, os municipios d'Exeya d'os Caballers y Zaragoza li adedicoron una calle.
Vinclos externos Juliana Larena y Fenollé en www.fundacion2008.com.
Categoría:Muertos en Zaragoza Categoría:Naixius d'Exeya d'os Caballers Categoría:Personas d'os Seches de Zaragoza Categoría:1790 (naixencias) Categoría:1835 (muertes)