Denzel Washington (nombre artistico de Denzel Hayes Washington, Jr.) ye un actor, director cinematografico y productor cinematografico estausunidense, naixiu lo 28 d'aviento de 1954 de Mount Vernon (Nueva York), activo en o cine estausunidense dende meyaus d'os anyos 1970 y con cuantos premios recibius mientres a suya carrera cinematografica.
D'entre la suya filmografía, se puet citar as cintas Cry Freedom (1987, Richard Attenborough), Glory (1989, Edward Zwick), Malcolm X (1992, Spike Lee), The Pelican Brief (1993, Alan J. Pakula), Philadelphia (1993, Jonathan Demme), Crimson Tide (1995, Tony Scott), Courage Under Fire (1996, Edward Zwick), He Got Game (1998, Spike Lee), The Hurricane (1999, Norman Jewison), Remember the Titans (2000, Boaz Yakin), Training Day (2001, Antoine Fuqua), Antwone Fisher (2002, Denzel Washington), Inside Man (2006, Spike Lee), American Gangster (2007, Ridley Scott), u The Book of Eli (2010, Albert Hughes y Allen Hughes).
Premios Denzel Washington recibió un premio Oscar a lo Millor Actor en 2001 por o suyo papel en a cinta Training Day, d'Antoine Fuqua (o segundo actor de raza negra en recibir-lo, dimpués de Sidney Poitier). En 1989 recibió un Oscar a o Millor Actor Segundario por Glory, d'Edward Zwick. Antiparte, fue nominau en 1992 a l'Oscar a o Millor Actor por o suyo papel en a cinta Malcolm X, dirichita por Spike Lee.
En 1990 recibió un Globo d'Oro a o Millor Actor Segundario por Glory; y en 1999 un Globo d'Oro a o Millor Actor Dramatico por The Hurricane, de Norman Jewison.
En 1993 recibió un Onso de Plata a o Millor Actor d'o Festival Internacional de Cine de Berlín por Malcolm X, de Spike Lee; y en 2000 un segundo Onso de Plata a o Millor Actor por The Hurricane.
Se veiga tamién Cintas interpretadas por Denzel Washington. Cintas producidas por Denzel Washington.
Vinclos externos
Denzel Washington en Internet Movie Database.
Categoría:Actors d'Estaus Unius Categoría:Directors cinematograficos d'Estaus Unius Categoría:Globo d'Oro a o Millor Actor Dramatico Categoría:Globo d'Oro a o Millor Actor Segundario Categoría:Naixius d'o estau de Nueva York Categoría:Nominau a o Premio Oscar a o Millor Actor Categoría:Onso de Plata a o Millor Actor Categoría:Premio Oscar a o Millor Actor Categoría:Premio Oscar a o Millor Actor Segundario Categoría:Productors cinematograficos d'Estaus Unius Categoría:1954 (naixencias)