Bertolomeu u Bertolomé estió uno d'os Apóstols de Chesús. O suyo nombre (en griego Βαρθολομαίος) procede d'o patronimico arameu bar-Tôlmay, "fillo de Tôlmai" u "fillo de Ptolomeu". Ye mencionato en os tres evanchelios sinopticos, siempre en companyía de Felipe (Mt 10:3; Mc 3:18; Lc 6:14). En l'Evanchelio de Chuan, on no aparix con o nombre de Bertolomeu, lo han identificato con Natanael, que tamién ye relacionato siempre con Felipe.
Seguntes l'Evanchelio de Chuan, Natanael estió uno d'os diciplos a los que Chesús s'aparixió en a Mar de Tiberiades dimpués d'a suya resurreción (Chn 21:2). Seguntes os Feitos d'os Apostols, estió tamién testigo de l'ascensión de Chesús (Fe 1:13).
Seguntes una tradición replegata por Eusebio de Cesaria, Bartolomeu se'n fue ta la India a pedricar l'evanchelio, on deixó una copia de l'Evanchelio de Mateu en arameu. A tradición armenia li atribuye tamién a predicación d'o cristianismo en a tradición d'este antigo pueblo, chunto a Sant Chudas Tadeu. Os dos son consideratos santos patrons d'a Ilesia Apostolica Armenia.
Sant Bertolomeu en fuents aragonesas Lo mencionan en o "Libro d'el Trasoro" y dicen:
Tamién lo mencionan en a "Cronica d'Espanya" de García de Eugui:
Lugars d'Aragón on celebran Sant Bertolomeu Alcalá de Gurrea. Bardallur. Beceit. Bulbuent. Calatorau. La Canyadiella. Canyizar de l'Olivar. Castellón d'Alarba. Chisagüés. Contamina. Cortes d'Aragón. La Chinebrosa. Fuent Buena. Fuents Calients. Gabín. Isuerre. La Mata de los Olmos. Morillo de Galligo. Odón. Orés. Peralellos. Retascón. Romanos. Santa Cruz de Nogueras. Senés d'Alcubierre. Tosos. Villar Luengo.
*