thumb|300px|Boire entallato chunto a figuretas d'ixo mesmo
O boireTamién rechistrada la forma antiga bori. (d'o latín ebŏreus) u marfil (de l'arabe aẓm al-fîl) ye o material blanco y duro que forma os catirons grans d'animals como os alifants, morsas y hipopotamos...
En o caso d'os alifants y hipopotamos ixos dients no corresponden a dients canins, son incisivos bien desembolicatos.
Antes de l'aparición d'o plastico ye un material muito usato pa fabricar teclas de piano, bolas de billar, botons y articlos de choyería.
A suya tonalidat se torna en mes amarillenca con o paso d'as anyatas. O peso especifico absoluto d'o boire ye entre 1,75 y 1,90 kg.
O boire se fa servir pa adorno de muebles y en a construcción d'asaber-lo d'obchectos tals como cepillos, peines, pomos de bastón u caixas.
Bi ha restriccions a la exportación y importación de boire por a mortalera d'aminals que producen este material, pero tamién bi'n ha un comercio ilicito.
Historia En l'antiguedat os echipcios, os griegos, os hebreus feban servir boire como adorno en a decoración de salas, mueblos y templos. Salomón teneba un trono de boire incrustato en oro. En Grecia bi heba muitas estatuas de boire, como por eixemplo as estatuas chigants d'Atena en o Partenón y de Zeus, que mediban 12 y 19 metros d'altaria respectivament. En estas esculturas meteban boire pa representar ixas partes d'o cuerpo que no cubriban os vestitos. Os romanos tamién emplegoron esta materia prima. L'arte bizantín fació muito uso d'o boire, por eixemplo os baixorrelieus de boire en as puertas d'a ilesia de Santa Sofiya en Costantinoble.
Notas
Referencias
Categoría:Choyería