Bucarest (en rumano București) ye una ciudat de Rumanía, que ye a suya capital.
A suya población ye de 1.628.426http://www.insse.ro/cms/files%5Cstatistici%5Ccomunicate%5CRPL%5CInformare_1nov2011.pdf habitants (2011) en una superficie de 228 km², con una densidat de población de 7.142 hab/km².
Historia Seguntes a lechenda, se diz que Bucarest fue establita por un pastor de nombre Bucur (alegría en rumano). Sindembargo, a ciudat fue establita en o sieglo XIV por Mircea I de Vlaquia ("Mircea lo viello") dimpués de redotar a os otomans.
En 1459, Bucarest yera a residencia de Vlad III lo Empalador (Vlad Țepeș), pero dica o reinato de Radu II (1462-1475) no se tresladó a seu d'a cort de verano de Vlaquia enta la ciudat, que se convertió asinas en a capital de l'estato vlaco.
En 1595 os turcos cremoron a ciudat, que fue reconstruita dimpués; o suyo centro en ixas envueltas yera a carrera d'Uliţa mare, que dende 1589 yera clamata d'os Lipscani, por o nombre d'os naixitos d'a ciudat de Leipzig en Alemanya, que bi teneban comercios. Dende o sieglo XVII Bucarest se convertió en centro economico de Vlaquia, y en 1698, con Constantin Brâncoveanu, se convertió en o centro y capital d'o prencipau de Vlaquia.
En a primera mitad d'o sieglo XIX se disputoron a posesión d'o territorio l'Imperio Austrohongaro, l'Imperio Otomán y l'Imperio Ruso. Asinas, en Bucarest bi habió una guarnición militar de l'Exercito austriaco en 1854, que forachitoron a l'Exercito ruso, que bi yera dende 1853.
En 1861, cuan s'unioron o prencipau de Vlaquia y o prencipau de Moldavia ta formar o nuevo prencipau de Rumanía, Bucarest estió a capital d'o nuevo territorio, y con enchaquia d'ixo a población d'a ciudat crexió, imitando a la ciudat francesa de París; Bucarest yera clamata a chicota París.
O 6 d'aviento de 1916, mientres a Primera Guerra Mundial, dentroron en a ciudat as tropas d'as Potencias Centrals, y bi mantenioron a suya ocupación militar dica a fin d'a guerra en 1918, y transferirioron a capitalidat ta Iași (Moldavia).
Mientres a Segunda Guerra Mundial Rumanía yera aliata con o Terzer Reich, y bi habió bombardeyos aerios de l'aviación d'os Aliaus.
En 1977 bi habió un tierratremo de 7,4 en a escala de Richter, con 1.500 victimas.
Esporte O fútbol ye o esporte mes popular y practicato en Bucarest, cuatre equipos d'ista ciudat (Steaua, Dinamo, Rapid y Sportul Studențesc) partecipan en a Liga 1, a primera división de fútbol en Rumania.
Vinclos externos
Pachina web oficial municipal de Bucarest. Pachina oficial d'a prefectura de Bucarest. Bolsa de Bucarest. Universidat de Bucarest. Universidat Politecnica de Bucarest. Biblioteca Central Universitaria de Bucarest. Aeropuerto Internacional Otopeni-Henri Coanda. Aeropuerto Internacional Baneasa-Aurel Vlaicu. Pachina de RATB (compayía publica de transporte). Metrorex (companyía de metro).
Referencias
*